Extra | MAN lo no partisipá na reunion di Staten awe

úniko punto di agènda: “Deliberashon ku Minister di Hustisia enkuanto rapòrt di Komishon di Investigashon (Komishon Wiel) en konekshon ku susesonan promé, durante i despues di e reunion públiko di Parlamento di 4 di yanüari 2017”. | Extra

WILLEMSTAD.- Frakshon di MAN den Staten di Kòrsou a informá Presidente di Staten ku MAN lo no partisipá na e reunion di Staten di 24 di aprel 2017 ku tin komo úniko punto di agènda:

“Deliberashon ku Minister di Hustisia enkuanto rapòrt di Komishon di Investigashon (Komishon Wiel) en konekshon ku susesonan promé, durante i despues di e reunion públiko di Parlamento di 4 di yanüari 2017”.

Elsa Rozendal di Frakshon di MAN a tuma bon nota di e rapòrt konserní  i ta distinguí dos elemento, e elemento parlamentario i e elemento polisial.

Pa loke ta e elemento parlamentario frakshon di MAN naturalmente ta suprayá ku mester apliká Reglamento di Orden. Loke na opinion di frakshon di MAN a keda hasí kabalmente. Enkuanto e importansia di atené na un asina yama “roll call”, MAN sinembargo ta di opinion ku e obligashon pa Parlamento aprobá kredensialnan di esnan ku a keda skohé dor di pueblo den elekshonnan liber ta di órden mas haltu i ku no por usa “roll call” pa stroba esaki. Esaki ta insólito. Bos di pueblo ta bos di Dios i ora pueblo skohe su representantenan nobo den un elekshon liber ta inakseptabel ku e mayoria di parlamentarionan ku ta den parlamento na e momento ei por stroba nan di drenta. Pa e motibu aki MAN ta suprayá ku den e reunion di 4 di yanüari 2017 tabata tin korum i ku e parlamentarionan tabata tin e obligashon di aprobá kredensialnan di e parlamentarionan nobo ku ta un formalidat pasobra Konseho Supremo Elektoral a hasi esei anteriormente kaba. Pa e motibunan aki frakshon di MAN no ta mira sentido pa diskutí riba esaki.

Pa loke ta e elemento polisial, frakshon di MAN ta suprayá e loke e rapòrt ta bisa riba esaki i ta di opinion ku Minister di Hustisia lo mester implementá e rekomendashonnan di e komishon.

Bron: Extra

Een Reactie op “Extra | MAN lo no partisipá na reunion di Staten awe

  1. Hoe wordt dit verrekend? Éen dag onbetaald verlof? Of gaat het van de vakantie dagen?

Geef een reactie

Het e-mailadres wordt niet gepubliceerd. Vereiste velden zijn gemarkeerd met *