Un gobièrnu a ser mandá kas sin tabatin ningun motibu válido, pero esei a tuma lugá i ta algu di respetá. Esei di akuerdo ku dirigente riba lista di MAN, sr. Kenneth Gijsbertha ayera mainta na entrega di lista dje partido pa e kontienda elektoral di dia 28 di aprel próksimo.
Despues di e desaroyonan ei gobièrnu di gabinete Koeiman a disidí di disolvé Parlamento i asina a duna pueblo bèk e oportunidat pa dia 28 di aprel e disidí ken ta esnan ku realmente e ke mira komo representantenan den e próksimo periodo di gobernashon.
Tin hende ta bisa ku a forma gobièrnu muchu lihé, pero tin otronan tambe ku ta bisa ku a tarda muchu. Esaki ta kontradiktorio, pero e gobièrnu a forma konforme e liña i término di tempu ku a stipulá pe. I no mester lubidá ku tabatin un periodo di screening ku ningun formador no tin den su man. Pues komo formador el a hasi tur kos denter di e tempu ku tabatin, respetando tur e órganonan.
Punto ta, segun Gijsbertha, ku finalmente ta e hendenan ta esnan ku tin di pone nan mes stabil pa sostené un gobièrnu. I e ta spera ku despues di dia 28 di aprel lo tin un gobièrnu ku sufisiente sosten di miembronan, i ku lo no tin un gobièrnu kaminda riba kualke kos chikí tin hende a kita sosten i bai riba nan mes.
Pa loke ta partido MAN, esaki tin un lista di 29 hende i e ta spera ku lo haña sosten di pueblo. I e grupo ku lo bai drenta Parlamento i tambe esnan ku haña e privilegio pa goberná pais lo sòru pa trese bienestar i trankilidat bèk.
Pa loke ta e funshon di formador ku el a asumí anteriormente, segun Gijsbertha si e bolbe haña e honor ei e lo enkaminá e proseso igual. Pero e ta spera e situashon nobo bini, laga e pueblo papia, e ta spera ku MAN lo por konta ku 6 asiento e biaha aki en bes di 4 i ku e seis nan lo por tin e garantia ku ta bai tin un gobièrnu di 14 asiento.
Bron: Extra
Laten we hopen. Sinds Cooper en kornuiten uit de MAN zijn gegaan en nu de wolf in schaapskleren Danawi heb ik meer vertrouwen in de MAN!
MAN 29-2017 5+1 zetel kan ook zijn 6+1