Extra | Manera Gobernador duna nan retiro: Tur Minister lo baha pareu

Manera Gobernador duna nan retiro: Tur Minister lo baha pareu

WILLEMSTAD. – Tur Minister di Gabinete Koeiman lo baha huntu manera Gobernador duna nan retiro, esei ta informashon verídiko ku EXTRA tin for di e seno di Gabinete Koeiman.

Esaki ta nifiká ku tur e asuntu di moshon di deskonfiansa ken ta baha i ken ta keda, pa e gabinete no tin balides. Ya tur minister di Gabinete Koeiman a entregá nan retiro na Gobernadó i komo tal ta wardando riba señal di gobernador ki dia nan ta baha komo Minister.

Manera Gobernador duna nan retiro, tur Minister di gabinete Koeiman, esta e 6 nan ku tei ta bai kas.
E loke ku ta pasando aktualmente segun e fuente, ta ku parlamento ke krea un situashon manera na 2012 kaminda ku e gabinete transitorio di Betrian tabatin kuater Minister.
E pensamentu ta ku ora hala e retiro di e dos ministernan di Pueblo Soberano, Martina i Koeiman keda, ta kuater minister, pues e mesun situashon.

Ora ku kaba di atendé e otro ministernan, poko poko lo retirá Koeiman i Martina.
Esei lo no sosodé o sea e parlamento aktual lo no haña e chèns ei, pa motibu ku tur e ministernan ta pendiente gobernador i tur lo bai kas huntu manera Gobernador duna lus bèrdè pa esei tuma lugá. Defakto henter e gabinete Koeiman a entregá nan retiro kaba.

Kiko lo pasa despues, no ta konosí. Segun e fuente e chèns ta grandi ku gobernador lo por wanta Gabinete Koeiman te ora ku bin un Gabinete nobo, pero kisas e ora ei ya elekshon ta den kurpa, pa motibu ku Gobernador no por laga e pais aki sin gobernashon.

Loke ku mester pasa ta ku mester bin ku un gobièrnu nobo, asina tin un gobièrnu nobo e gobièrnu aktual ta bai kas.
Pues ta papia aki di un kos simpel, e kos ta simpel i no tin motibu di hasié dje kompliká ei.
Ke men, e ministernan sintá awor aki ta kla pa baha manera tin un gobièrnu nobo.
Esaki ta trese kuné, ku no tin krísis, nan ta keda atendé asuntunan andando i warda gobièrnu nobo keda kla.
Niun hende no sa kuantu e ‘screening’ lo dura.

Nan ta konsiente ku e 11 parlamentarionan ke un gobièrnu nobo mas lihé posibel, pero kon lihé por hasié niun hende nos sa.
Un kos ta sigur, e dos ministernan di Pueblo Soberano mester pasa un asina yamá “lite screening” i un “lite screening” ta kasi un ‘screening’ nobo.

Bron: Extra

Geef een reactie

Het e-mailadres wordt niet gepubliceerd. Vereiste velden zijn gemarkeerd met *