WILLEMSTAD.- Sra. Margit de Freitas, eks direktora di Stichting Studiefinanciering Curaçao (SSC) a desmentí kada gastu eksorbitante ku a ser bisá ku el a hasi den e fundashon di finansiamentu di estudio.

El a indiká ku a hasi por bisa bofon di training pa studiantenan ku ta bai Ulanda. Segun Sra. de Freitas a splika ku 55% di e hóbennan ku tabata bai studia na Ulanda no tabata logra, nan a investigá i a bin resultá ku hóbennan no ta bon di trein. P’esei a bin ku e trainingnan p’e hóbennan. Awendia mas tantu hóben ta alkansá nan “propedeuse” kual ta indikashon ku nan lo kaba nan estudio sigur.

Meta dje training aki tabata pa subi resultado di studia na Ulanda.
Igualmente Sra. de Freitas a desmentí ku e no tabatin kontakto ku gobièrnu.
Pa loke ta trata di gastunan di consultant ta bisa ku esakinan tabata 1.2 mion. “Pero nan no ta bisa ku e suma aki ta repartí den 6 aña. 1 mion a bai pa kobra plaka di SSC ku tabata riba kaya. Nan a logra di haña 3.5 mion kèsh i 12 mion den término dor di areglo di pago. Esaki ta loke e proyekto di 1.2 mion a generá pa SSC. Tabata un proyekto pa yena kaha di SSC”, Sra. de Freitas a indiká.

Tambe Sra. de Freitas a indiká ku si personal ta bula “bussinesclass” esei ta hunta di komisario i direktiva a disidí. For di ora e personal ta bula mas di 2 pa 3 ora di trabou, e ta bula “bussinesclass”. “E pareha Llewellyn no tabata bula “bussinesclass” den Merka ora di bai e diferente siudatnan serka e muchanan. Tampoko nan tabata kobra 400 mil florin pa aña pa hasi trabou di kontrolá e studiantenan na Merka. Ta 200 mil florin pa aña nan tabata kobra”, Sra. de Freitas a indiká.

Tambe el a desbaratá e suma di 66 mil florin ku Sra. Marvelyne Wiels lo mester a kobra. “No ta stazje Marvelyne a kore na SSC. Sino el a pidi nos pa yud’é pa e kaba su “masterstudie” i e tabatin mester di empresa pa hasi investigashon pa su tésis. Esei el a disidí i el a kobra 45 euro pa ora. No a paga Marvelyne 66 mil florin, pero finalmente 32 mil florin, despues ku na Ulanda a kita BTW for di dje”.

Otro punto ku e eks direktora a desbaratá te asuntu ku e lo tin kuenta misterioso. Segun de Freitas nada di esei no ta bèrdat i e kontroladó finansiero sa dje kuenta aki ku ta na Giro Bank.

A bisa ku e edifisio di SSC na Pietermaai ta pará bashí, segun Sra. de Freitas, ta e direktor promé kuné, a disidí pa bai hür edifisio karu di 32 mil florin na prof. Kernkampweg. Ora a haña edifisio mas aksesibel den Otrobanda na Molenplein nan a muda. Aki e edifisio ta sali 22 mil florin pa luna. No por a regresá den e edifisio di Pietermaai pasobra e no tabata apto. Tin yen di hende interesá pa kumpra e edifisio, segun Sra. de Freitas.

Finalmente Sra. de Freitas a bisa ku e ta para tras di e maneho ku el a hiba.

Bron: Extra

WILLEMSTAD.- Eks direktor di Stichting Studiefinanciering Curaçao sra. Margit de Freitas ta lamentá tantu manipulashon ku tabatin den su kontra ku e lo mester a hiba mal maneho den e fundashon ku ta finansiá estudio. Pa sra. de Freitas esaki ta hopi straño mirando kòntròlnan serio ku tabatin den e fundashon dor dje hunta di direktiva i tambe dor di gobièrnu. Tur gobièrnunan di turno ku a evaluá su maneho, esakinan tabata korekto.

Sra. de Freitas a bisa ku e maneho ku el a ehekutá ta abase di loke ku gobièrnu a pidié fundashon pa hasi tur aña di nobo.

Segun e eks direktor den e sentensia tabatin dos eror. Un di nan ta ku ta papia ku ta dos komisario so SSC tin, mientras mester di 6 komisario. Segun de Freiats esei no ta kuadra, pasombra for di 2013 tabatin 6 komisario, aña pasa dos komisario a bini aserka pa un total di 8. Sinembargo aña pasa e 6 komisarionan mester baha na mei 2016 i asina a keda e dos komisarionan.

Sra. de Freiats a sigui bisa ku no tabatin kòntròl den SSC, el a drecha esaki. Sinembargo asina elekshon último tabata tras di lomba kosnan a kambia.
Otro punto den e sentensia ku tabata un eror ta ku wes a indiká ku partidonan no a papia pa Sra. de Freitas bai bèk SSC. I korte a tuma nota ku partidonan no tabatin interes den esaki. Segun sra. de Freitas esaki no ta korekto, pasobra e si kier a bai bèk.

Sra. de Freitas a bisa finalmente ku e lo inisiá un kaso den korte kontra di su retiro. E ta kere ku e kaso lo bira un proseso a fondo.

Bron: Extra