Extra | Mas akusashon di inmoralidat kontra Apòstel Balentina

Mas akusashon di inmoralidat kontra Apòstel Balentina

WILLEMSTAD.- Djabièrnè próksimo pastor Orlando ”Lando” Balentina(52) ta bin dilanti hues atrobe. Manera ya ta konosí Balentina tin 18 akusashon den su kontra pa aktonan inmoral ku vários menor di edat.

Durante e investigashon a bin mas denunsia aserka for di Ulanda. Pa ku esaki Apòstel a risibí un otro dagfar. E ta keda akusá di a kometé aktonan inmoral ku un damsita di 17 aña riba 3 di febrüari 2013 na Ulanda. E tempu ei e tabata fungi komo mentor di e damsita na e iglesia Lluvias de Bendiciones na e siudat di Capelle aan den Ijssel.

E damsita a hasi denunsia ku e akusado a mishi ku su parti íntimo vários biaha, i tabata lag’e hasi sex oral kuné.

For di un prinsipio e akusado a keda para riba su inosensia. El a bisa ku e ta hasi uzo di su derechi keda ketu i ta laga tur kos den man di su abogadonan. Djabièrnè e kaso lo keda presentá den pro forma i pa 17 di mei hues lo bai disidí riba e deseonan di investigashon. Na yüni e kaso lo keda trata. Pa loke ta trata e defensa di e akusado, e abogadonan mr Blonk i tambe Harlequin ku a bin direktamente for di Ulanda, a pidi hues pa rechasá e akusashon nobo. Hues a duna di konos’é ku tin un map di dokumento di Ulanda ku a keda yama “Rotterdam” di kual tin tur e akusashonnan di e víktimanan di Ulanda aden.

E abogadonan a keda babuká pa motibu ku nan a bisa ku nunka nan no a haña e map aki. Segun fiskal e no tabata sa ku e abogadonan no a risibí e map aki, mirando ku na su pareser esaki tabata e kaso manera mester ta.
For di e 22 personanan ku mester a keda skucha 11 so a wòrdu interogá. E la splika ku ainda falta 2 mas pa keda skucha mirando ku nan ta na Ulanda i tin ku hasi un petishon pa esaki tuma lugá.

Bron: Extra

Een Reactie op “Extra | Mas akusashon di inmoralidat kontra Apòstel Balentina

  1. ericlapas

    Het is triest maar het OM kwam pas in actie toen, mr. Olga Saleh-Kostrzewski zich met deze zaak ging bemoeien. Je vraagt je af hoeveel van deze zaken worden niet vervolgd omdat het OM ging prioriteit aan geeft. Het lijkt alsof Nederland de beste crimefighters zelf houdt en wij het hier met wat overblijft moeten doen.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *