Extra | Mas sèn pa Wardakosta i TBO

Mas sèn pa Wardakosta i TBO

DEN HAAG.- Ayera na apertura di Aña Parlamentario Ulandes, Rei Willem-Alexander a para ketu na e isla di St. Maarten, Saba i St. Eustatius ku a keda asotá pa orkan Irma dia 6 di sèptèmber último, i pa kolmo ayera orkan Maria tambe. El a lesa e deseo di gobièrnu di Ulanda pa e próksimo gobernashon.

Rei a bisa:”Riba un dia ku lo papia di presupuesto, tur bista ta di focus riba Den Haag. Pero awe nos kurason i pensamentu primeramente ta bai pa e hendenan di St. Maarten, St. Eustatius i Saba ku a keda destruí pa e forsa di orkan Irma. E relashon mutuo den Reino a bira mas visibel bou di e sirkunstansianan difísil aki. Asistensia ta keda ofresé for di tur parti i tambe yudansa ta ser duna. P’esei gobièrnu ulandes lo hasi tur loke ta posibel pa alinia e situashon i nesesidat dje islanan. Karibe ta parti di Reino i no ta keda laga nan so pa ku rekonstrukshon”.

Loke tambe a hala atenshon ta ku Reino a aloká fondo èkstra pa Wardakosta pa kombatí e traspaso di frontera i tambe kombatí krímen pa e próksimo 4 añanan. Alabes Rei a indiká ku lo traha huntu ku Karibe riba edukashon i pobresa, i a para ketu riba e akuerdo firmá resientemente ku gobièrnu di Kòrsou pa ku kombatimentu di pobresa.

E tim TBO ku ta kombatí krímen entre otro trafikashon di hende i atendé ku krímen ku ta krusa frontera lo sigui ku su trabounan pa e kuater añanan ku ta bini. Un suma di 12 mion euro a keda pon’e disponibel riba un base anual. Den e lus di seguridat internashonal, Wardakosta lo haña 8 mion euro e aña aki i otro aña pa reinforsá i mantenshon.

Bron: Extra

2 Reacties op “Extra | Mas sèn pa Wardakosta i TBO

  1. Angelina, mi no sa sigur pero segun mi wardakosta tei pa stop droga i illegalnan na e momentu nan aki. Si Hulandes nan no ta snuif tantoe coca anto no mester inverti mas sen den wardakosta. Nos mes por berdat pero nos no ta bai inverti nos sen di belasting pa un problema di Hulandesnan.

  2. Unda e shon nan di nos mes por ta?
    Nan ta ketooooo

Geef een reactie

Het e-mailadres wordt niet gepubliceerd. Vereiste velden zijn gemarkeerd met *