Extra | MFK ta kondená insidente den Parlamento

Jacinta Constancia a distansiá for di parlamento | Extra

WILLEMSTAD.- Den un komunikado di prensa Movementu Futuro Kòrsou (MFK) ta splika ku nan ta kondená e suseso di ayera den Staten. Manera ta konosí miembro di MFK Jacinta Constancia a pasa parlamentario Giselle Mc William un wanta den kara di.

Den un komunikado na nòmber di direktiva di MFK i su lider, i manda dor di sekretario general Sithree van Heydoorn ta bisa e siguiente: “Pa medio di esaki direktiva na nòmber di hinter e organisashon di MFK ta diskulpa su mes públikamente ku sra. Giselle Mc William i tambe ku pueblo di Kòrsou. Agreshon físiko di kualkier persona na un otro no ta karga aprobashon di nos organisashon i nos ta kondená esaki.”

Lider di MFK Gerrit Schotte ayera a splika ku “mester tin sierto límite na e manera ku nos ta hasi polítika na Kòrsou. Un di e límite ta, pa kuminsá, nos famia. No mishi ku famia di otro. No mishi ku yunan di otro. No atendé ku yunan di otro. No atendé ku famia. Den prensa nan a insinuá ku mi yu a bende droga na skol. Esaki tabata den media di komunikashon. E punto ta ku awe nos ta den situashon kaminda nos ta kreando un situashon den polítiko ku ta indeseabel.”

Schotte a sigui di bisa ku e ta komprendé ku nan a ‘touch’ un herida di Constancia. Schotte a splika ku e tabata será pa algun dia tambe. E ta komprendé ku ora Mc William a menshoná e detenshon di Constancia e ta algu fèrfelu.

Segun Schotte Constancia no a kontrolá su mes i na mesun momentu a mara konsekuensia na esaki.

Bron: Extra

Jacinta Constancia a distansiá for di parlamento

Jacinta Constancia a distansiá for di parlamento | Extra

WILLEMSTAD.- Parlamentario Jacinta Constancia djis despues di e agreshon den sala di parlamento, a bisa di ta distansiá su mes for di parlamento.
Jacinta su reakshon despues di e insidente den parlamento a bisa ku tin hopi manipulashon i ta hasi uso di palabra ku ta hasi doló na hende.

Jacinta a bisa ku tin un proseso (red:Investigashon di mondkapjes ku ta involukrá eks kasá di sra. Constancia. I e echo aki a sosodé ora sra. Constancia tabata minister di salubridat den 2010-2012. Sra. Constancia a kai será den e investigashon aki) ta tumando lugá.

Mas aleu e parlamentario a bisa ku for di siman pasá el a papia ku sra. Giselle Mc William pa stòp di papia riba asuntu di mondkapjes, pasobra esaki ta hasié doló.
“Mi tabata den kantina i ta tende Giselle ta papia. Mi a sali i e kos a sosodé. Ora mi top’é personalmente lo mi pidié despensa pa loke mi a hasi. Mi no sa kiko a drenta mi, kisas emoshon a hunga un ròl”.

Mas aleu Constancia a bisa ku el a papia ku su partido i ku e ta distansiá for di parlamento i duna espasio pa e trabou den parlamento por sigui. tambe el a bisa pa evitá ku ta kore kampaña ku loke a sosodé.

“Mi ta lamentá loke a sosodé. Hende ta bisa ku wak e el a drenta iglesia. En bèrdat mi a drenta iglesia, pero e kos ta hasi doló”. Mi tambe ta hasi polítika, pero nunka ta hasi polítika personal”. Jacinta a bisa ku e tambe lo entregá keho pa agreshon verbal.

Presidente di parlamento sr. Gilmar “Pik” Pisas tambe a reakshoná mesora indikando ku e no por a antisipá loke ta bai pasa.

Den deklarashon pa media el a bisa ku e reunion tabata bai den bon esfera, kosnan a drecha. E ta lamentá loke a sosodé, pasobra Jacinta ta su kolega di partido, su amiga i no por a imagin’é loke a sosodé.

“Algu a sosodé den parlamento. Komo presidente mi ta wak kon pa drecha e situashon p’esei mi a ‘schors e reunion. Mi ta wak pa otro siman e reunion por sigui. mi ta wak kon ta bai hasi. Pero mester keda riba e “issue” i stòp di ta personal. Doló tin di fria entre tur dos banda”, Pisas a indiká.

Bron: Extra

Naschrift KKC

Commentaar Gerrit Schotte direct na het incident

2 Reacties op “Extra | MFK ta kondená insidente den Parlamento

  1. Dus wanneer je het hebt over strafbare feiten die Jacinta heeft gedaan dan mag je klappen verwachten?

    Trouwens lijkt dat dit in opdracht van Schotte was. Kijk hoe voor Jacinta loopt en gewoon doorloopt.

  2. Segun Schotte Constancia no a kontrolá su mes i na mesun momentu a mara konsekuensia na esaki.
    Is de heer Schotte blind? Indien hij goed naar de beelden kijkt zou duidelijk zien dat Jacinta dit doelbewust heeft gedaan. De manier van lopen en de reactie van haar na de klap te hebben uitgedeeld.

    Parlamentario Jacinta Constancia djis despues di e agreshon den sala di parlamento, a bisa di ta distansiá su mes for di parlamento.
    Betekend dit dat de MFK 1 zetel is kwijtgeraakt? lachertje, nu moeten Moses en Danawi ook hun seun intrekken en dan is er groot feest.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *