Extra | Minister di Hustisia a retirá miembronan komishon di fondo kriminalidat

Minister di Hustisia a retirá miembronan komishon di fondo kriminalidat | Extra

WILLEMSTAD.- Apesar ku Minister di Hustisia Gilmar Pisas ta haña ku e komishon di fondo di kriminalidat a traha bon, el a duna e miembronan retiro.

Ta trata di un komishon independiente ku ta evaluá i skrutiná petishonnan di proyekto di fundashonnan ku drenta na e Ministerio di Hustisia, pa di tal manera nan por haña supsidio pa e proyektonan for di e fondo di kriminalidat. Hopi biaha ta trata di proyektonan na bienestar dje hubentut. Finalmente si e proyekto ta positivo, e Minister di Hustisia ta bai di akuerdo i firma esaki.

Den apénas 6 dia di trabou ku e Minister di Hustisia a sinta, el a manda e miembronan di komishon kas. Dia 24 di mart e gobièrnu nobo a huramentá. Señor Pisas a bira Minister di Hustisia. Den apénas 6 dia di trabou, esta 30 di mart, e mandatario a manda karta pa miembronan di e komishon indikando ku no mester di nan servisio mas. Den mesun rosea a indiká ku e miembronan di komishon a hasi bon trabou e tempu ku nan tabata den.

Segun e Minister e lo bini ku un maneho nobo pa ku e fondo i p’esei mester para tur trabou, te ora e haña un análisis di e maneho ku e lo bai hiba pa ku e fondo.

Pisas ta papia di ke investigá te kon leu su antesesornan a bai di akuerdo di forma korekto pa saka sèn for di e fondo pa proyektonan.

Minister Pisas a instruí sekretario-general pa hasi un análisis di loke a sali for dje fondo, i pa presentá na dje un dokumento di e vishon di su maneho, kaminda den dje lo tin puntonan di salida, liñanan di indikashon di e maneho ku mester formulá p’e fondo di kriminalidat.

Dor di esaki, e ta para tur trabou dje komishon i tambe otro prosesonan ku e komishon tabata atendiendo kuné. Pisas ta gradisí e miembronan di e komishon pa nan trabou profeshonal den e komishon.

Bron: Extra

3 Reacties op “Extra | Minister di Hustisia a retirá miembronan komishon di fondo kriminalidat

  1. No @miep, buriku ta un bestia noble i trahadó.

    Pik Pisas ta LADRON meskos ku su doño Schofte ku tambe ta kumprá i desesperá!

  2. Natural ku Schofte a posisiona un Buriku riba e luga ei -awor tur plaka lo desparse prome ku elekshon.

  3. I asina ta sigui ku mal gobernashon.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *