WILLEMSTAD.- Segun lider di partido MFK Gerrit Schotte Ministerio Públiko di Kòrsou ta aktua sumamente selektivo. ‘Mi a deliberá ku diferente persona ku ta práktika lei den eksterior.
Nos a yega na konklushon ku e manera ku Ministerio Públiko na Kòrsou ta tuma desishon, normalmente bo ta mira solamente den sierto paisnan Afrikano òf Asiátiko. Hopi selektivo.”
Manera ta konosí nuebe parlamentario dia 10 di yanüari a entregá un keho kontra Humphrey Davelaar tokante desishon ku el a tuma durante reunion di Parlamento dia 4 di yanüari ku nombramentu di 7 parlamentario. Davelaar tabata presidente di Parlamento den e tempu ei. Ministerio Públiko ayera a splika ku nan a disidí pa no start investigashon penal kontra Davelaar. Den un deklarashon OM ta skibi ku ‘uso di e instrumento penal por polarisá e debate en bes ku e ta stimulá un debate. Pa e motibu aki Ministerio Públiko a disidí p’esei ku ta mantené máksimo moderashon den esaki, promé ku inisiá un proseso penal.”
Segun Schotte ta hopi straño ku den e kaso ku presidente di parlamento den e tempu ei, Mike Franco, a entregá un keho kontra parlamentario Amerigo Thodé di MFK, Ministerio Públiko direktamente a start ku investigashon penal. ‘Den e tempu ei nan a usa argumentonan kompletamente otro.” Schotte: ‘Pa mi mes e no tabata un sorpresa ku OM a disidí pa no kuminsá un investigashon penal kontra Davelaar. Pero mi no por a kere ku nan a bin ku e argumentonan asina. Esaki a asombrá mi hopi. E manera di aktua di OM ta bizarra i asombroso.”
Segun Schotte e grupo di nuebe parlamentario lo reuní riba término kòrtiku. ‘Sin duda nos lo bin ku e segundo paso den e kaso. Pasobra pa nos e lucha no ta kla ainda.” Schotte no ke divulgá kiko por tin e segundo paso. ‘Promé nos lo reuní ku e 9 parlamentarionan.”
Bron: Extra
OM is inderdaad selectief omdat Schotte nog steeds vrij rondloopt en steeds zijn zaak mag uitstellen.
Postman 441, wat een zielig eiland waar de mensen op zulke boeven stemmen.
MFK ta aktua sumamente selektivo.
Pleur op Schotte, en neem al je laffe en hypocriete kontenlikkers van Ramsay Soemanta tot Stella van Rijn mee.
Wat een zielig mens is dat toch.