WILLEMSTAD.- Partido MFK ta anunsiá ku nan miembro den parlamentu Monique Koeyers-Felida a tuma retiro komo parlamentario.
Den un karta fechá 10 di novèmber 2015 i entregá na Presidente di Parlamento, Monique Koeyers-Felida a tuma retiro komo miembro di Parlamento di Kòrsou.
Monique Koeyers-Felida pa un temporada ta den eksterior pa motibunan médiko. Den e temporada na Ulanda, señor a Monique Koeyers-Felida, a eksperensiá profundamente e bondat i miserikòrdia di Señor Dios.
Sinembargo pa motibunan di salú i tambe teniendo na kuenta e desaroyonan polítiko aktual riba “nos” Pais, señora Monique-Koeyers-Felida ta di opinion ku ta prudente pa awor aki dediká tur atenshon na su salú.
P’esei señora Monique Koeyers-Felida a entregá su retiro komo miembro di Parlamento.
Señora Monique Koeyers- Felida ta satisfecho pa e kontribushon ku e por a duna na “nos” dushi pais Kòrsou, i ta wak bèk na un temporada kaminda ku determinashon e la sali na interes di esnan den nesesidat.
Mas aleu señora Koeyers-Felida ta gradisí pueblo di Kòrsou kompletu pa e konfiansa. Tambe palabranan di gradisimentu ta bai pa su esposo Kenneth Koeyers, kende a sostené den tur momentu. Un danki tambe na e famia di Movementu Futuro Kòrsou.
Monique Koeyers-Felida ta konvensí ku despues di su rekuperashon lo e por sigui duna su aporte na “nos” dushi Pais Kòrsou.
Bron: Extra