WILLEMSTAD.- Komishon di Evaluashon, instalá pa direktiva di Movementu PAS, a konkluí su tarea di evaluá resultado di elekshon i e kampaña polítiko di Movementu PAS. E komishon bou di direkshon di sr. Ingeniero Edil Poulina a hasi un evaluashon amplio, kaminda puntonan importante manera strategia di kampaña, merkadeo, kandidatonan, i aktornan eksterno a keda analisá.
Tambe e komishon a aserká ekspertonan riba tereno di polítika aki na Kòrsou pa por a kumpli ku nan tarea.
E komishon a entrega su relato final. Direktiva di PAS a tuma nota di e resultado i a tene un reunion ku e komishon pa interkambiá riba diferente punto. For di e relato final a konfirmá ku Movementu Patriótiko Adelanto Sosial (PAS) ta un organisashon polítiko hóben pero ku hopi potensial pa den polítika por duna un kontribushon real na adelanto i bienestar di Pueblo di Kòrsou. E organisashon tin miembronan ku hopi eksperensia polítiko i ku por sirbi nos pais den kualkier funshon. Esaki a resaltá tambe klaramente den e programa di akshon ku a keda presentá den kampaña.
For di análisis di resultado di elekshon tambe por konkluí ku Movementu PAS tin un base grandi i legítimo den nos komunidat. E kantidat di voto risibí, mirando e sirkunstansianan eksterno di hopi partido, atakenan konstante bou faha i kambio di fecha di elekshon, den esaki ta papia pa su mes. Ta p’esei Movementu PAS lo sigui, konforme su ideologia sosialdemókrata pa sali na interes di nos pueblo i vigilá ku esnan den gobernashon di nos pais di bèrdat ta pone Kòrsou i nos pueblo na promé lugá.
Movementu PAS ta di opinion ku drecha i trese adelanto den situashon sosial na Kòrsou i traha riba patriotismo di kada siudadano pa asina kada unu di nos por ta mas komprometé pa traha na bienestar di Kòrsou mester ta prioridat number unu di nos gobernashon. Direktiva di Movementu PAS konsiente di esaki, ya kaba a traha riba un Plan di Trabou ku ta indiká e maneho i direkshon firme ku Movementu PAS lo bai hiba durante e añanan benidero. E Plan di Trabou lo keda diskutí ku miembresia den e órganonan statutario i finalmente durante nos promé Kongreso Statutario den luna di mart próksimo.
Finalmente Lider polítiko, Direktiva i miembronan di Movementu PAS kier a deseá Pueblo di Kòrsou un felis Pasku i un próspero aña nobo. Ku pas i prosperidat reina den kada kas na Kòrsou i ku 2017 trese bienestar, siguridat i adelanto pa kada Yu di Kòrsou.
Bron: Extra
Maken jullie niet druk.
Hij komt nooit meer terug.
Hij kan ook leguanen, kakkerlakken, totekis etc gaan broeden in zijn hofie. Net als Antony Godett.
Dacht dat we eindelijk van deze vuile rat af waren, maar hij blijkt een kakkerlak te zijn die ook al trap je hem 10 keer dood gewoon terug blijft komen.
Schaamteloos Cooper zijn jouw zakken niet genoeg gevuld?wat wil je nog.
door gaan met je corrupte praktijken totdat je in het gevang zit?
in troebel water is het goed vissen maar we halen jouw zo eruit.