Extra | MUCHANAN DI SKORS NA INTERNATIONAL SCHOOL NO TIN NADA NADA DI HABER KU DROGA

MUCHANAN DI SKORS NA INTERNATIONAL SCHOOL NO TIN NADA NADA DI HABER KU DROGA

MUCHANAN DI SKORS NA INTERNATIONAL SCHOOL NO TIN NADA NADA DI HABER KU DROGA

WILLEMSTAD.- EXTRA a haña yamada ayera di vários mayor di International School hopi prekupá dikon ta dañando nòmber di e skol ku nan yu ta bishitando. Esaki relashoná ku un kaso di dos hobensitu ku a keda di skòrs.

E mayornan aki a bisa EXTRA ku nan ku tin yu na e skol ei ta na altura ku e suspenshon di e dos hobensitunan ei no tin nada di haber ku droga.

Den EXTRA su edishon di siman pasá djasabra tambe EXTRA a skibi un artíkulo kaminda nos a papia ku gerensia di e skol i ku a bisa ku e kaso di e hóbennan no tin nada di haber ku droga.

Sinembargo ayera riba Facebook tabata skeiru ku e kaso di e dos hóbennan pero den forma robes. I esaki ta di lamentá pasobra ta trata di dos menor di edat ku pa nan suèltu òf malasuèltu ta bin di mayornan polítiko.

A subi riba Facebook ku un di e hóbennan aki lo ta bende droga na skol i den e kaso aki XTC i ku e ta haña esaki di su tata i ku hopi hende sa pero ku nan tin miedu di papia esaki.

EXTRA a bolbe chèk atrobe ku e skol i nos a komprondé ku e kaso no tin nada di haber ku droga i si tin hende tin prueba ku ta droga presentá esaki nan na e skol.

E mayornan ku EXTRA a papia kuné i ku tabata basta rabiá ta kere ku e skol tin di saka un informe pa kaba ku e bai ben i gañamentu aki. Nan ta bisa ku nan tambe tin yu i komo mama i tata bo ta wòrdu di hùrt pero e mucha ta wòrdu pió di hùrt ainda.

Nos muchanan ta nos futuro i si nan a hasi un fout mester duna nan straf pero no duna nan un kastigu di e forma aki, dañando nan nòmber, pa ki meta e mayornan no sa.

I nan ta lamentá tambe ku ta netamente hendenan ku mester sa mihó ta ventilá e informashonnan mentiroso aki riba e ret sosial di Facebook. I nan ke kòrda tur hende ku Facebook a kambia su reglanan i ta bon pa tuma nota di nan.

Bron: Extra

Geef een reactie

Het e-mailadres wordt niet gepubliceerd. Vereiste velden zijn gemarkeerd met *