WILLEMSTAD, – Apesar di un yamada na prensa i pueblo di Kòrsou pa no divulgá nòmber di posibel ministernan pa e gobièrnu nobo, ayera tòg hopi nòmbernan di posibel ministernan tabata riba kaya.
Niun di e nòmber ta konfirmá. Pero ta interesante pa tende nòmber di aktual presidente di Guardian Group Steven Martina komo minister di Finansa pa partido MAN, meskos ku ta tende ku aktual formador Kenneth Gijsbertha ta menshoná komo minister di Enseñansa, Siensia, Deporte i Kultura.
Ekspresidente di Aqualectra Anthon Casperson ta keda menshoná komo trahadó pa minister- presidente Hensley Koeiman, relashoná ku e kompania di gobièrnu Aqualectra, ku ta kai bou minister-presidente.
Supuestamente tin hopi tenshon den partido Pueblo Soberano, ku mester bin ku nòmber pa ministerio di Desaroyo Sosial, Labor i Bienestar (SOAW) i ministerio di Gobernashon, Planifikashon i Servisio Públiko (BPD). Ruthmilda Larmonie- Cecilia ta aktual minister di SOAW í parlamentario pa Pueblo Soberano. Pero supuestamente lider di partido Pueblo Soberano Jaime Cordoba a optá pa e posishon. Larmonie-Cecilia no tabata di akuerdo ku esaki. Awor partido por proponé ku Larmonie-Cecilia ta bira e próksimo minister di BPD.
Pa partido PAR nòmbernan ku ta keda menshoná ta Eugene Rhuggenaath por keda komo minister di Desaroyo Ekonómiko i lider di partido Zita Jesus-Leito ku por bira minister di Salubridat, Medio Ambiente i Naturalesa.
Tin hopi rumor tokante partido PNP. Lider di Partido Humphrey Davelaar ta menshoná komo siguiente minister di Tráfiko, Transporte i Planifikashon Urbano (VVRP). Aktual minister di e ministerio di VVRP ta Suzy Camelia- Römer. E ta keda menshoná komo minister di Hustisia.
Tur nòmbernan i posishon te awor aki no ta konfirmá. Ultimo dia pa partidonan por entrega e nòmbernan di e kandidatonan ta djaluna awor. Formador Kenneth Gijsbertha a puntra partido pa entrega un ènvelòp sera i seya ku e nòmber di kandidatonan, pa no divulgá nan identidat.
Bron: Extra
Fraudelyen kan naar het Parlatino. Dat is een goede sushibak gebleken voor onze criminele Statenleden.
In het verleden stuurden we daar immers Schotte, Thode, Constantia, Cooper en Wilsoe heen.
En doña nadie wiels dan ? Krijgt zij geen ministerpost ?