WILLEMSTAD.- Elvis “Mònster” Kuwas (asesino di Helmin Wiels dia 5 mei 2013) su deklarashon ta para manera un kas ta loke ku fiskal Rip a duna di konosé ayera den sala di korte.
Ayera abogado Marije Vaders a hiba defensa di su kliente Burney “Nini” Fonseca, kende a keda demandá na 26 aña di prisòn pa komplisidat di asesino di Wiels, kaso Maximus.
Fiskal Rip a reakshoná riba defensa di abogado, indikando ku gran parti di e defensa ta basá riba konfiabilidat di deklarashonnan ku Kuwas a duna. Fiskal ta di akuerdo ku e abogado ku den pasado enbèrdat Kuwas a duna deklarashon kontradiktorio, el a gaña, i a kometé perhurio na ougùstùs 2014, ora Kuwas a bisa e no tin nada di aber ku morto di Wiels. Pero Kuwas a bisa awor ta dikon el a gaña, i no a papia bèrdat.
Ministerio Públiko no ta bai persiguí Kuwas pa e perhurio, pasombra ya el a haña kondena di Bida Largu kaba. No por konden’é mas.
Ministerio Públiko a haña ta bon pa tende Kuwas un biaha mas bou di huramentashon, den presensia di abogado i Nini, pa di tal manera wes por evaluá e verasidat di deklarashon di Kuwas.
Loke a hala atenshon di fiskal djárason ta, ku awor aki e abogado ta kuestioná konfiabilidat di Kuwas, pero e tabatin masha tiki pregunta na Kuwas djárason. Ta dikon e abogado no a hasi Kuwas tur e preguntanan.
E abogado i tambe den media ta kuestioná pa kiko i dikon a trese Kuwas for di Ulanda aki.
“Mi ke a rekordá ku for di komienso di mi rekisitorio mi a bisa ku polis i Ministerio Públiko no ta spar ningun gastu pa trese e bèrdat riba mesa. Ta kosta plaka pa trese Kuwas Kòrsou for di Ulanda, pero tabata nesesario. E no a kosta hopi sèn, pasombra Kuwas no a bula den “bussinesclass”. Atrobe den media ta kuestioná dikon Kuwas sí, i Nini no a bini for di Ulanda. Nini na vários okashon a bisa ku e no ta interesá pa bin Kòrsou. Si Nini a bisa e ke a bin Kòrsou, esei lo a sosodé. I meskos ku Kuwas, tur gastu di transporte di Nini tambe lo a keda kubrí”, fiskal Rip a deklará.
Kuwas a bisa bon kla ku e no a sera niun dil ku Ministerio Públiko. E testigunan a paga pa nan protekshon. Tantu den korte di promé instansia komo den korte di apelashon, wesnan a husgá e akuerdonan firmá ku testigunan pa nan protekshon, i tur kos tabata bon.
E palabrashon ku a hasi ku Kuwas den 2014, ta ku si e basha bou, despues ku Ministerio Públiko verifiká su deklarashon, si nan ta bèrdat, lo transport’é pa Ulanda pa su seguridat. Esei ta e akuerdo, Rip a indiká.
Djárason Kuwas a konta ta dikon den pasado el a bisa deklarashon engañoso. Unabes ku el a haña Bida Largu i esaki a keda konfirmá, el a bisa e no tin nada di pèrdè i a papia e bèrdat. Ademas Kuwas a bisa pa no pone Nini bou di preshon kual preshon lo bin resultá riba dje, p’esei el a laga Nini afó. “Deklarashon di Kuwas ta konfiabel i ta keda sostené pa otro material di prueba den e dokumentashon. Deklarashon di Kuwas djárason ta para manera un kas”, Rip a deklará.
Ministerio Públiko tin vários prueba ku ta keda sostené pa otro fuentenan ku tei. Kuwas, Pretu i Bolle ta e hòmbernan ku por konta kon kos a bai. Kuwas su deklarashon djárason ta konfiabel. Un hende ku ta sinta gaña ta e akusado.
Finalmente mr. Rip a bisa ku e abogado a indiká ku tin senarionan alternativo, pero e úniko kos ku Rip ta bisa di por a tende ta, ku otro hende por a mata Bolle. Pero den kaso di Wiels fiskal no a mira un senario alternativo. E senario alternativo ta Pretu i Nini ku a duna Kuwas i Bolle enkargo pa mata Wiels. Tin motibu pa kondená Nini pa komplisidat di morto di Wiels, i ta persistí riba e demanda 26 aña di prisòn pa Nini.
Bron: Extra
ericlapas bon dia bon siman sigur sigur bo tin razon pero mi a bisa un par di kos pa asina wak ku mi a sinja robes si of no berdat un arma den awa bo no ta hnaj DNA pero mi a kere ku ta den plestiek nan a hanja e arma kologa pesey mi a puntra y tambe mi no a para ketu na Paul de Geus berdat wel wel wel mi a lubida mes riba e meneer eey pero tambe nan no bin dilanti kwa bala a mata sr Wiels y di kwa kaliber e bala tabata pesey mi ta puntra tur e kosnan aki, berdat kon un abogado por tin dos hende ku ta defende ku ta di mes un bario of di mes un crime kosnan stranjo mes , tabata tin un dama ku nan no a hanja te asta awe unda e dama ey a keda unda monica ta pe testimonio y falta dos tipo mas ku tambe mester bin dilanti pa asina e kaso wordu resolve ken ku e porta mi mama mi tata mi ruman ken ku e porta pero si mester hasi e kosnan sigun ley si no ku Redu of ken a bisa ken ku kosnan asina pero hasi investigashon profundo y laga FBI.CIA.RST. of un buriku mes hasi esey pa e kaso keda kla ja ta pa basta anja kaba y nada no tin nobo kon a para ku e sen ku Wiels tabata tin na merka kon a para ku e kaso ku nan a horta den casino kaminda net e dia ey no tabata tin alarma y camara stranjo pero berdat esey tambe a bai den doofpot ?
Paul de Geus hmm een door denkertje sms 2 win / sms via chippie tijdens verkiezingstijd boodschap ongevraagd van MFK
Kijk en luister naar de video aan de vooravond v/d dood van Helmin Magnus Wiels.Zou De Geus nu alsnog de dans ontspringen?
@Uny, mi nomber no ta Rip pero mi ta kere ku mi por juda bo ku algun contesta; mayoria di e nomber nan ku bo a menciona a wordu interoga, dos tabata hasta detene algun tempoe. Ta dificil hanja DNA riba un arma ku ta den laman pa algun tempoe. Un pregunta ku ami ta hanja hopi interesante ta kon un abogado por defende dos acusado den mesun kaso. Un nomber ku mi no ta mira riba bo lista ta esun di Paul de Geus. E no a wordu interoga i tampoco pone riba non actief durante e investigacion.
Senjor RIP mi tin un pregunta pa bo ,
dikon a saka Pretu for di sufisant mande Barber?
ken a duna ordu pa saka Pretu for di un lugar ku tabatatin bon sigura mande un lugar ku no tabata segura?
di dos kon bini despues di un luna ku e kos ey a pasa boso a bai buska e arma den e awa ku boso no a hanja esey despues di tres luna boso a bin hanja e arma kolega den awa of den awa ?
di tres boso a hasi un investigashon kon Kuwas a mata Wiels na e sitio?
boso a tende tur getuigen?
Ivar Ajes boso a tende e su getuigen?
boso a tende Dos Santos,boso a tende Jamolodim,Schotte,Hensley Trom,Cadet Welsu, Mac Cijntje,Davelaard,Mike franco,Pretu, monalisa?,Ben Whitman,Joe Black, y mas bou di huramentu?
esey ta mi pregunta RIP mi ta spera ku lo bo por kontesta esakinan pa mi y tambe e bala ku a saka for di Wiels ta kwandra ku e pistol of arma ku boso a hanja den awa? tabatatin DNA riba e arma ey kon bo a bin na Prueba ku ta e hendenan aki tin ku haber ku e morto di Wiels? boso a tende Edsel Gums?
esey nan ta mi preguntanan mi ta spera di hanja algun kontesta di esakinan