Extra | ‘PAIS lo no partisipá den elekshon 28 di Aprel 2017’

‘PAIS lo no partisipá den elekshon 28 di Aprel 2017’

WILLEMSTAD,- Partido PAIS lo no partisipá den elekshon 28 di Aprel 2017. Asina presidente di partido Jerry Semper a konfirmá EXTRA. Partido PAIS no ta kla pa bai elekshon awor.

‘Resientemente nos a sinta huntu ku direktiva i konseho di partido i pone tur kos ‘op een rijtje’, ku ta nifiká ku nos a evaluá henter e situashon. Un punto hopi importante ta ku e análisis ku nos a laga hasi dor un komishon pa investigá kiko no a bai bon durante último elekshon, no ta kla ainda. Tambe tin e tópiko di sèn. Nos mester tin sèn pa kuminsá ku kampaña adekuá. Tampoko nos no tin e tempu pa prepará na un manera bon.‘

Dr. Jerry Semper a splika ku PAIS ta un partido ku semper ta aspirá ‘ekselensia’. ‘Ku ta nifiká ku bo mester ta bon prepará. Nos ke yuda un gobièrnu. Pero si nos no ta kla ku organisashon di nos mes, nos no mester hasié. PAIS no mester hasi kos mitar mitar. Esaki lo ta dispidimentu di tempu i di posibel voto.’

Segun Semper PAIS a tuma desishon ‘den interes di nos pais. Nos a disidí ku mihó nos no partisipá. Nos a tuma desishon pa ‘retreat for better posishon’. Intenshon tei pa PAIS lo prepará pa otro elekshon. ‘Nos lo sigui ku análisis. Pero aworakí no tin sufisiente tempu. Nos a analisá e situashon i tuma un desishon pa no partisipá den elekshon, esaki a keda sostené dor un mayoria den partido.’

Manera ta konosí partido PAIS a forma parti di gobièrnu entre 2012 i 2016. Nan a haña 4 asiento den aña 2012. Den elekshon di 5 di òktober 2016 nan a haña 0 asiento.

PORTRET
…Presidente di partido PAIS Jerry Semper: ‘PAIS ta un partido ku semper ta aspirá ekselensia’…

Bron: Extra

Een Reactie op “Extra | ‘PAIS lo no partisipá den elekshon 28 di Aprel 2017’

  1. Als ik de auto zie waarin Semper rijdt denk ik dat we de medische tarieven minimaal kunnen halveren.

    Iemand met zo’n auto partijvoorzitter maken is een wel heel slecht signaal PAIS!

Geef een reactie

Het e-mailadres wordt niet gepubliceerd. Vereiste velden zijn gemarkeerd met *