Extra | PAR: PAR a entrega lista ku hopi entusiasmo

PAR a entrega lista ku hopi entusiasmo | Extra

WILLEMSTAD, – Partido PAR ayera a entrega nan lista di kandidatonan na Kranshi. Esaki a tuma lugá ku hopi positivismo bou di fanátikonan di e partido.

Lider di Partido Alternativa Real (PAR) Eugene Rhuggenaath a splika ku e partido hel a entrega un lista ku 29 persona. ‘Nan tur ta bon kualifiká.’ Segun Rhuggenaath bou di pueblo tin hopi atenshon positivo pa e partido. Ayera un kantidat bastante grandi di hende tabata presente ora partido PAR a entrega nan kandidato di lista. Hopi fanátikonan entusiasmá a bai Kranshi ku e partido, gritando ‘On the Move’.

Segun Rhuggenaath partido PAR tin komo meta grandi pa sòru ku pueblo di Kòrsou por tin konfiansa atrobe den polítiko. ‘Mester restablesé konfiansa den polítiko.’

Tambe mester sòru pa desaroyo positivo den nos ekonomia. Komo minister di Desaroyo Ekonómiko Rhuggenaath ke sigui riba proyekto ku ta benefisiá i desaroyá nos ekonomia.

Eks minister-presidente Etienne Ys, ku tabata un di e inisiadó di e partido, ayera tambe tabata presente na Kranshi. El a kompará e situashon di 2017 ku 1994, ora Miguel Pourier a guia PAR na un viktoria grandi. Segun Ys lo ta bon pa Kòrsou tin un partido grandi atrobe ku por tuma inisiativa pa forma un gobièrnu. Segun e partido mester tin konfiansa i trankilidat bek den gobièrnu.

Bron: Extra

Een Reactie op “Extra | PAR: PAR a entrega lista ku hopi entusiasmo

  1. Abraham Mossel

    PAR 29 april 2017 4+1 zetel, kan ook zomaar 5+1 zetel worden!.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *