WILLEMSTAD,- Suzy Camelia-Römer ayera a entrega lista di Partido Inovashon Nashonal (PIN). Esaki ta e partido ku el a lanta tres dia pasá, despues ku el a kibra ku partido Nashonal di Pueblo (PNP), djamars pasá.
Camelia-Römer ayera tabata hopi positivo ku su partido nobo. ‘Nos tin grupo di hóbennan den nos partido tambe. Number 2 di nos partido, ku ta Rennox Calmes, ta na kabes di esaki ku su Movementu Speransa. E motibu ta ku nos ke duna realse na hóbennan tambe, ku ta puntra nos pa partisipá na elekshon.’ Otro nòmbernan ku Camelia-Römer a menshoná ta di Maharo Isenia, Norman Girigori i Kenneth Martis. ‘Nos tin 17 persona en total riba lista. Pasobra e tempu tabata apénas dos dia. Nos a papia ku tur hende. E no tabata fásil. Nos a skohe pa ban ku 17 persona den aña 2017.’
Segun Camelia-Römer den e siguiente dianan partido lo traha mas riba kampaña. ‘Awor nos a skirbi un manifesto, pasobra nos sa ku no tin tempu pa skirbi henter un programa di partido. Pero pa nos ta importante pa nos ta traha riba inovashon. Nos tin hopi hende den nos partido ku tin eksperensia pa kore kampaña. Nos lo hasi uso hopi di media sosial.’ Camelia-Römer ta konvisente ku den e próksimo dianan partido lo bin ku mas ideanan kreativo. Minister di Transporte, Tráfiko i Planifikashon Urbano ta sinti su mes konfortabel ku e hendenan riba lista di PIN. ‘Mi ta sigur ku tin diferente hende riba lista ku den futuro lo bira minister.’
Bron: Extra
Ondertussen krijgt de heer M. Isenia nu 12 duizend gulden per maand voor werken van 24 uur in de week!
weer een kleurbekentenis van een oude landsverrader-ook geafilieerd aan de dosplaka groep via de advokatuur en kontlikerij van een andere advokatuur .
PIN 29-2017, goed voor 1 zetel.