Extra | Polis su kana a yena ku empleado di Voogdijraad

Polis su kana a yena ku empleado di Voogdijraad


WILLEMSTAD.- Ayera durante di oranan di mainta a tuma lugá un situashon hopi lamentabel i pekuliar na e ofisina di bienestar di mucha (Voogdijraad) na Punda.

Informashon ku EXTRA ta disponé, ta indiká ku un polis di inisial R.M. ku ta karga e funshon di inspektor i lider di e tim U.S.T i ku tabata lider di e tim D.S.T den pasado, mester a presentá na e ofisina ariba menshoná i a pidi pa e keda atendé pa un empleado en partikular. Esaki pa reklamá beslag ku el a haña riba su salario relashoná ku plaka di alimentashon.

Di un fuente verídiko EXTRA a haña informashon ku djaluna lo yega un di 3 beslag riba salario di polis pa mesun motibu.

Dado momentu mester a surgi un interkambio di palabra kaminda e polis di inisial R.M. lo mester a lanta for di su stul i a kue e dama empleado tene na su garganta pa despues sera e porta i indiká na e dama ku e no por bai sin ku nan kaba di atendé e asuntu. Tin rumor fuerte ku asta e agente polisial a saka su arma reglamentario.

E polis a indiká ku Voogdijraad tin ya algun tempu ta kita otro montante for di loke wes a stipulá.

Esaki a pone ku e polis su kana a yena mirando ku el a reklamá e situashon vários biaha.

Demas empleadonan ku a tuma nota di e situashon a drenta den e ofisina pa yuda e dama.

E dama empleado a keda hopi troumatisá atras pa kual mester a asta pidi presensia di personal di Slachtoffershulp na e sitio.

Bron: Extra

3 Reacties op “Extra | Polis su kana a yena ku empleado di Voogdijraad

  1. Ontslag op staande voet en opsluiting voor bedreiging met wapen.

  2. That officer needs to be stripped of his badge and gun immidiately

  3. I kiko a pasa ku e polis? Parse mi ku su komportashon ta leu fue orden. Mi spera ku e dama ta hasi aangifte.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *