Extra | ‘Problema di debe ta hopi grandi na Kòrsou’

Tin hende ku ta haña nan mes den debe dor di nos kultura di ‘saka kara’ | Extra

WILLEMSTAD, – ‘Kombatimentu di pobresa ta hopi fuerte ankrá den nos Akuerdo di gobernashon i den e parti aki saneamentu di debe komo parti di kombatí pobresa’, asina minister di Desaroyo Sosial, Labor i Bienestar Hensley Koeiman a splika.

‘Hende ku debe ta hende ku ta den problema serio. Pasobra ora bo tin debe, henter bo komportashon ta kambia. Komo hende bo ta kambia. E ta afektá bo salú físiko, e ta afektá bo salú mental. Riba término largu e ta afektá henter nos komunidat. Pasobra hopi biaha ta mayornan ku tin debe; hende grandi ku tin yu ku tin kompromiso. Debe por hinka nan den froude. Nos por imaginá nos mes ku hende ku tin debe por bira vulnerabel na trabou.’ Koeiman: ‘Problema di debe ta hopi grandi na Kòrsou. E ta varia di kobradó di ònderstant te e ámtenar òf e negoshante di mas grandi. Tin hende ku ta fia mas tantu, tin hende ku ta debe ménos. Pero e ta un problema grandi.’

Koeiman a splika: ‘Tin hende ku tin debe, pasobra simplemente nan no tin entrada i kosto di bida ta haltu. Tambe tin hende ku ta haña nan den debe pa motibu di hasi kosnan iresponsabel. Por ehèmpel hunga wega di plaka, bebe, droga. Pero tambe tin hende ku ta hasi riesgo ku e sèn di nan negoshi ku a hinka nan den problema serio.’

Segun Koeiman ta importante ku: ‘Esun ku tin debe mester buska ayudo. I komo gobièrnu responsabel nos mester yuda e hendenan ei.’

Bron: Extra

Tin hende ku ta haña nan mes den debe dor di nos kultura di ‘saka kara’

Tin hende ku ta haña nan mes den debe dor di nos kultura di ‘saka kara’ | Extra

WILLEMSTAD,- Segun minister Hensley Koeiman, di Desaroyo Sosial, Labor i Bienestar, atenshon pa saneamentu di debe ta hopi importante pa Kòrsou. ‘Tin biaha ku hende no por yuda nan mes i komo pais bo mester yuda bo hende, pa despues nan por duna un kontribushon na desaroyo di bo pais.’

Koeiman a splika ku problema di debe ta hopi grandi na Kòrsou. ‘Nos tin hende ku a haña nan mes den debe dor di nos kultura di ‘saka kara’.’ Koeiman ta splika ku tin hende ku ta kere ku nan tin ku ‘saka kara’, pasobra nan ta sinti ku nan no por keda atras.’ Koeiman: ‘No ta pa nada ku den komunidat tin hende ku ta bisa: “Kòrta nanishi, daña kara.” I ami semper ta mustra riba komedia ku tabatin ‘Mi yu ta mihó risibí ku di bo’. Pasobra tin kosnan ku nos ta kuminsá komo wega, pero na final ta hinka hendenan den problema. Un di e kosnan ku nos por hasi pa kambia e situashon, ta purba di subi un hende su outo-estima. Pasobra si bo no tin kadena, si bo no tin renchi i bista paña di marka esei no ta kita nada di bo di ser hende. Ora un hende tin e komprendementu ei ku bo ta hende manera bo ta, esei por yuda hopi hende pa no hinka nan mes den debe.’

Koeiman ta splika ku tin hende ku tin debe kaba. ‘Pero pasobra nan ta haña ku nan tin ku saka kara i no por keda atras nan ta keda fia sèn. Pasobra nan yu ta bai hasi aña i nan ke un selebrashon mas grandi ku nan bisiña a organisá.’ Komo minister di Asuntunan Sosial Hensley Koeiman ta bisa: ‘No bai saka bo kara anto dera bo futuro.’

Ministerio di Desaroyo Sosial, Labor i Bienestar riba diferente manera tin atenshon pa e tema di saneamentu di debe. Henter e siman tabata un siman di profundisashon i sinkronisashon riba e temanan di debenan struktural i pobresa. Esaki komo kontinuashon di e konferensia riba debenan problemátiko ku a tuma lugá na yüni 2016. Ayera a organisá e konferensia ‘Maneho di pobresa i plan di implementashon’.

Bron: Extra

‘Debí na problema ku debe, klase medio na Kòrsou a bira ménos’

‘Debí na problema ku debe, klase medio na Kòrsou a bira ménos’ | Extra

WILLEMSTAD,- ‘Hopi hende na Kòrsou tin problema ku debe. E problema ta asina grandi ku e kantidat di famianan ku por wòrdu konsiderá komo parti di klase medio (middenklase) a bira ménos.’

Asina Jurenne Hooi a bisa. Sra. Dr. Hooi resientemente a duna diferente presentashon i konferensia na Kòrsou na diferente gruponan di enfoke ku ta atendé, sea direktamente òf indirektamente, ku e tema di pobresa i debe problemátiko. Jurenne Hooi ta konsehero di Ministerio di Desaroyo Sosial, Labor i Bienestar riba trayektonan efektivo i inovativo a base di su práktika i eksperensia na Kòrsou, Ulanda i Merka. Jurenne Hooi ta direktor di Fundashon Madi na Ulanda. Madi ta yuda hende na Amsterdam Zuidoost i Diemen. Hooi: ‘Si nos ta wak kon grandi e problema di debe ta na Kòrsou, i manera minister Koeiman a bisa e problema no ta solamente un problema pa hende ku ménos entrada pero tambe hende ku hopi entrada tin problema ku debe. Si nos ta wak e problema i tuma esei na serio, nos mester hasi tur kos posibel pa kambia e desaroyo negativo.’ Segun Hooi e klase medio na Kòrsou ta den problema. E kantidat di hende ku normalmente por wòrdu konsiderá komo famia ku ingreso medio a bira ménos. Hooi: ‘I na mesun momentu esnan ku tin un estado ekonómiko abou, ta krese. I e grupo ku tin mas tantu plaka ta e grupo mas chikitu di e pais. Si e desaroyo no ta kambia, Kòrsou lo tin problema pa sobrebibí komo pais.’ Segun Hooi: ‘Un pais tin ku wòrdu karga dor di su klase medio. Si e klase medio ta bira ménos, bo problema ekonómiko komo pais ta bira mas grandi. Komo pais bo mester kuida bo klase medio. Atenshon pa saneamentu di debe ta un instrumento importante na Kòrsou. Pasobra e problema di debe ta un problema grandi aki na Kòrsou.’

Bron: Extra

7 Reacties op “Extra | ‘Problema di debe ta hopi grandi na Kòrsou’

  1. @ericlapas
    Ami no sa i mi no tin niun preuba ku MAN a jena SOAW ku nan simpatisantenan. Ta’bo di. Bini ku prueba.

    E por ta duru pa bo pa tende pero hopi loké ta wordu bisa dor di e dos hendenan aki no ta gaña pero lastimamente e tristu berdat. Hopi hende na Korsou ku eigenlijk no por “afford” un sièrto stilo di bibienda ta prefera, aunké nan no tin sufficiente entrada, pa fia sen, traha debe djis pa “saka kara”. Nan no kier keda atras. Kore auto pero no tin sen pa paga siguru of plachi. Bai tur fiesta ku tin pero eigenlijk no por afford it. Yunan ta bai skol sin komé. Poné prioridat robes. Komportashon irresponsabel!

    Un otro kos ta, loke ta trata e ex trahadornan di SOAW. Cordoba no tin nada di primiti. E ministerio no ta di dje. Trabou bo mester meresé dor di presta sufficiente i kumpli ku loké ta wordu rekeri. No pasombra bo tin un bunita kara.

  2. Mi kier gradici Enri ku Fox pa nan kritika no funda. Si bosnan a lesa e historia bon e dos hipocrita nan aki tin kurashi di papia di pobresa. Nan ta papia di hende ta fia sen pasobra nan no kier keda atras of pa skonde pobresa.

    E muhe ta papia di probesa bisti manera un makaku ku ta gusta kos ku ta bria jen di prenda bisti. Laga nos spera ku en tambe no a fia sen pa kumpra prenda.

    Tokante e seis trahado nan di SOAW nan a wordu priminti un trabou vast dor di Cordeba. Bosnan mes sa ku MAN a jena SOAW ku jen di nan simpatisante nan.

    Ta mi mes tin ku lanta un partido pa un mio Korsou pa tur hende?

  3. @ericlapas
    Koeiman no a “retira” niun hende i bo sa esei masha bon pero bo ta keda draai e mesun disku kada biah. E kontraktonan di “bepaalde tijd” no a wordu verlengd i esei no tin nada keber ku retiro (dus ontslag). Fe oro ku bo tin un kontrakt “voor bepaalde tijd” tin un kos ku bo sa sigur delanta. Esei ta ku bo sa precies ki dia e kontrakt ta kaba. Gobierno no tei pa hasi “werkverschaffing” pa loko i sigur no ora no tin trabou. Duna trabou na famianan i kompinchinan ku hopi biah no ta kualifikashonan rekeri. Daar lopen er helaas al zat ambtenaren van rond.

    Persoonlijk vind ik de schulden problematiek als gevolg van “saka kara”, wat diep in de cultuur geworteld zit, hoofdoorzaak van armoede en criminaliteit. Is toch echt geen goed teken als je middenklasse krimpt.

  4. Eeica jij spoort niet man, ken no sa ku ora fia sen te debe bo a crea? Maar jij weet dommerds goed dat YdK leent graag maar willen niet terugbetalen, all hebben ze geld genoeg om te betalen.

  5. Danki pa e bon deseo nan Enri, bo mes sa ku Koeiman a prueba ku e no tin huesu di lomba. E historia aki ta meskos ku otro historia bla, bla. Segun mi ta lesa e artikulo mi ta skucha un propaganda na Direct pa fia sen hasta via di SMS. Di kon e dos payaso nan aki no a kuminsa ku mustra radio nan riba nan responsabilidat pa no hinka hende mas den debe ku nan propaganda agresivo nan?

  6. Se Erica mi ta spera ku Koeiman lesa e mensaje aki y demandabu meskos ku OM a demanda Norbert George, Ja die spook ambtenaar die 18 maanden thuis zat Ang 18.000 per maand incaseerde.

    Hoe noent jij deze Norbert George en de man die hem een contract gaf?

  7. Koeiman a splika: ‘Tin hende ku tin debe, pasobra simplemente nan no tin entrada i kosto di bida ta haltu. Esaki despues ku a la kaba di retira seis trahado di SOAW. Otro prueba ku Koeiman ta un desgraciado sinberguensa un Judas di marka mayor.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *