WILLEMSTAD. – Manera ku EXTRA a publiká den siman ku ta kabando aki ku e proyekto Bachelor pa polis a keda akseptá pa tur e kuater ministernan den Reino. E suma metí ku e proyekto aki ta 5.604.239 florin den sinku aña i mester indiká ku e gastunan ku ta bai pa personal ta 3.7 mion florin.
Dia 24 di òktober di e aña aki e dokumento aki a keda aseptá pa Konseho di Minister aki na Kòrsou, despues ku “Justitieel Vierlanden Overleg” (JVO) a bai di akuerdo pa lanta e skol aki na Kòrsou.
Esnan ku ta bin pa duna e kurso aki na Kòrsou ta ‘Dirección Nacional de Escuelas (DINAE) ku ta un skol di Polis Nashonal Kolombiano. E skol aki huntu ku Hefe Polisial aki na Kòrsou a yega na un koperashon ku otro pa ku e kursonan aki.
Mester indiká ku pa e promé aña 25 polis por haña e kurso aki i tur lo ta di Kòrsou. Den e próksimo añanan lo por tin kandidato di Aruba, St. Maarten i BES.
E kurso ta dura 5 aña i e gastunan pa kada studiante ta 26 mil florin. Otro gastunan pa akomodashon i hürmentu di edifisio etcetera ta presupuestá pa un suma entre di 80 mil florin pa e promé aña te ku 105 mil florin pa e di 5 aña.
Un skol kaminda ku e gastunan di personal ta mas ku mitar di e gastunan total di operashon di e skol.
Bron: Extra
shon nan geen bachelor. Of maestría of bachiller.