Extra | PS: Whiteman, Victorina i Leonora e gran ousentenan

PS: Whiteman, Victorina i Leonora e gran ousentenan | Extra

WILLEMSTAD.- Kontrali na algun partido ku a konfrontá e problema di “lijsttrekker” pa bai elekshon, partido Pueblo Soberano si no a laga e fli ei subi.

Tin hendenan ku a presentá ku e idea, pero el a keda rechasá. Partido Pueblo Soberano lo bai elekshon di dia 28 di aprel praktikamente ku e mesun lista. E gran ousentenan lo ta Sherwin Leonora, sr. Siegfried Victorina i Ben Whiteman. Esei ta loke nos por a konkluí for di un splikashon ku e lider polítiko dje partido, sr. Jaime Cordoba, a duna ayera na okashon di entrega di lista na Kranshi. Cordoba a splika ku e promé nan riba e lista lo ta su persona, Melvin “Mac” Cijntje, Ruthmilda Larmonie-Cecilia, Elmer “Kadè” Wilsoe, Lucho Rosales, Wini Raveneau i otronan.

Nos por a komprondé ku ni sr. Leonora ni Whiteman ni Victorina lo no ta riba lista. El a splika ku Whiteman i Victorina en todo kaso ta preferá di no ta riba lista pa motibunan di nan salú. Por sierto, Whiteman ta bayendo den eksterior presisamente pa su salú. Sr. Leonora lo no ta riba lista komo ku e no por yega na tempu pa atendé e dokumentonan nesesario pa presentá na Konseho Supremo Elektoral pa subi lista. Segun Cordoba, sr. Leonora ta di fakansi riba barku, i den promé instante no por a lokalis’é. Ora ku finalmente a hañ’é a resultá muchu lat.

Pero EXTRA tin informashon ku e relashon entre Leonora i direkshon di partido ta andando riba skrufnan los. E situashon aki a surgi for di despues dje insidente den kual sra. Jasinta Constancia a agredí sra. Giselle McWilliam i kai será. E echo ku sra. Constancia tabata tras di trali i Leonora tabata ku fakansi den eksterior a pone ku e grupo di 12 a para bira 10 i komo tal lo no por a kompilá un mayoria den Parlamento pa pasa e moshonnan tan anunsiá. Nos a komprondé ku asta a ordená Leonora pa regresá Kòrsou, i den un otro intento desesperá a usa nòmber di Gobernador pa wak si e no ta kambia di idea.

Segun Cordoba, e lista ta konsistí di 20 hende, aunke di tur otro banda a bini reakshon pa subi e lista. Es mas, e fenómeno di bini ku “lijsttrekker” ta algu ku sierto gruponan a trata di present’é den PS tambe, pero reunion general a rechas’é. Segun Cordoba, el a presentá e idea di un manera demokrátiko i despues ku el a keda rechasá el a rekordá si ku ta último biaha ku e ta bai elekshon riba lista.

Pa loke ta e esfuersonan di MFK pa bini ku diferente plan i senario den intento pa para elekshon, el a bisa ku e ta sostené e ideanan aki pa motibu ku klaramente por mira kon for di Ulanda ta trata nos outonomia simplemente pa komplasé sierto partido òf grupo di partido. Ta parse ku ta Ulanda ke disidí den nos pais.

Bron: Extra

3 Reacties op “Extra | PS: Whiteman, Victorina i Leonora e gran ousentenan

  1. Na het verraad van Wiels verdiend deze partij geen zetel meer.

    Trouwens wat er is met Leonora aan de hand.. ineens verdwenen. vandaar dat ze Danawi nodig hadden

  2. Abraham Mossel

    PS, 29 april 2017, één of géén zetel.

  3. Abraham Mossel

    29 april PS één tot GEEN zetel.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *