31 C
Willemstad
• woensdag 27 maart 2024 16:17

Extra | Retiro masal di Hunta di Komisario CBCS ta ‘windowdressing’

Kok i Carolina: Retiro masal di Hunta di Komisario CBCS ta ‘windowdressing’|Jiri Buller

WILLEMSTAD.- “Windowdressing”, asina komisarionan Wim Kok i Miriela Carolina a yama e intenshon di minister di Finansa, Kenneth Gijsbertha pa duna tur 5 miembro di e Hunta di Komisario di Banko Sentral di Kòrsou i St. Maarten, CBCS retiro.

Den un kontesta por eskrito na Gijsbertha Kok i Carolina ta bisa den e karta fechá 7 yüli Gijsbertha a manda pa miembronan di Hunta di Komisario no ta firmá pa minister di St. Maarten Richard Gibson. Pa e motibu aki no por papia di un desishon di e “vermogensgerechtigden” di e banko ku ta e ministernan di Finansa di ámbos pais. E tres otro miembronan di e hunta a tuma nan retiro a base di e karta aki, pero Kok i Carolina ta oponé kontra e retiro.

Nan ta mustra ku e segun memoria di aklarashon di e statuto ku ta rigi Banko Sentral, retiro di e Hunta di Komisario ta algu ku e reunion di “vermogensgerechtigden” tin ku disidí riba dje, pero ku e ministernan no a reuní riba e punto aki. Mas aleu e dos komisarionan di Kòrsou ta bisa ku nan no ta di akuerdo ku e ponensia di minister ku e relashon den e Hunta di Komisario tabata di tal índole ku no tabata reuní efektivamente mas i ku toma di desishon práktikamente no tabata posibel mas.

E hunta tabata bini regularmente huntu, Kok i Carolina ta bisa. E hunta a tuma tambe desena di desishon unánime i pasa den diferente presentashon ku e Hunta di Maneho. Ta riba dos punto tabatin un impase i eseinan ta nombramentu di miembronan nobo den e Hunta di Komisario i e rekomendashon pa suspendé presidente di CBCS.

Pa loke e Hunta di Komisario Kok i Carolina ta bisa ku nan no tin kulpa den esaki. Kontrali na lokual Gijsbertha ta trese dilanti ta un solo karta tin den kua e ministernan di Finansa ta pidi e Hunta di Komisario pa atendé ku e falta di miembro den e hunta. Segun Kok i Carolina ta for di fin di 2016 i despues den diferente otro reunion, nan a presentá ku kandidato pa yena e puestonan vakante pero semper e tres otro miembronan a oponé kontra e kandidatonan aki. Meskos ku e tres otro miembronan di e Hunta di Komisario semper a oponé kontra nombramentu di un otro miembro den e Hunta di Maneho i tabata proponé pa ilegalmente prolongá kontrato di Jerry Hasselmeyer kende tin ku baha ku penshun e luna aki komo direktor, pasobra pa prolongá su kontrato ta 5 miembro di e hunta mester bai di akuerdo.

Mas aleu Kok i Carolina ta bisa ku e motibu real di e impase riba e dos puntonan aki ta ku e ministernan di Finansa no tabata tuma desishon final. Pa dos aña kaba tin sufisiente proposishon di e Hunta di Komisario pa nombramentu di miembronan nobo pero e ministernan di Finansa no por a yega na un akuerdo riba e proposishonnan aki.

Relashoná ku ponensia di Gijsbertha ku e reputashon di CBCS i den e sektornan finansiero d Kòrsou i St. Maarten ta sufri daño debí na e situashon reinante na e banko, Kok i Carolina ta mustra ku ta pa hopi aña kaba e reputashon di CBCS ta sufriendo daño. Nan a mustra riba e kaso den korte na Ulanda kontra e banko FCIB den kua a bin dilanti ku Banko Sentral di Antianan Ulandes, BNA a permití ku FCIB pa añanan largu por a laba vários miar euro via e sektor finansiero lokal. Esaki a tuma lugá kontra konsehonan di trahadónan di BNA i a kosta Gran Bretaña hopi plaka. E kaso aki a haña hopi atenshon internashonal i a kousa hopi daño na e reputashon di Banko Sentral. Tambe Kok i Carolina ta menshoná e ròl di presidente di Banko Sentral den e skandal resien na Ennia i falta di supervishon na drechi riba Girobank ku a sigui mina e konfiansa ku mester tin den CBCS.

Finalmente Kok i Carolina ta bisa ku e desishon pa duna retiro masal ta un manera fásil di gobièrnu pa atendé ku e situashon, esta “windowdressing”. E retiro masal ta moralmente kondenabel i lo afektá e supervishon di e banko den e dos paisnan, segun nan ta bisa. Tambe nan ta di opinion ku e retiro masal ta krea un presedente robes pasobra retiro masal ta enserá ku den futuro e hunta no por duna konseho mas riba nombramentu di miembronan nobo.

Kok ku Carolina ta kere tambe ku un proseso bon i hustu ta posibel i ku nan dos den un siman di tempu por tuma desishon pa: no prolongá kontrato di Hasselmeyer, pa nombra Alberto Romero komo presidente suplente di Banko Sentral, yega na un konseho riba posishon di presidente aktual di Banko Sentral, hasi proposishon riba nombramentu di kuater komisario nobo i tuma desishon riba kuenta anual.

Bron: Extra

2 reacties

  1. @Miep
    Je doet of Curaçao of St Maarten in overvloed over voor deze functies integere en capabele mensen beschikt. Jammergenoeg is dat niet zo.

  2. Perfect-allemaal eruit gooien wie niet presteerd of functioneerd.
    Maar geen ex politici of bekende Politike aanhangers plaatsen-plaats voor deze functies echte hardwerkende en eerlijke mensen ..

Geef een reactie

Vul alstublieft uw commentaar in!
Vul hier uw naam in

Lees ook

Meer recente reacties