WILLEMSTAD. – Den un petishon entregá na Parlamento, Frakshon di MFK a duna di konosé ku tumando na kuenta ku e situashon di tenshon ku ta reina pa mas di un siman entre di miembronan di SGTK i Asosashon di Kontratistanan i Refineria isla, Frakshon di MFK ta aserka Presidente di Parlamento pa konvoká un reunion di komishon sentral denter di 24 ora pa parlamento di Kòrsou por skucha e sindikatonan SGTK i tambe e komishon di trahadónan den wèlga.
Ta konosí ku ta reina un situashon di tenshon bou di trahadónan i pueblo di Kòrsou en general i un situashon di tenshon i no ta ekskluí ku e situashon por sali for di man.
P’esei ta imperativo pa Parlamento asumí su responsabilidat komo e órgano mas haltu pa skucha i trata di kontribuí na un solushon. E petishon aki a keda entrega ayera atardi na Presidente di Parlamento.
Bron: extra