WILLEMSTAD.- E kompania “Port of Rotterdam” lo por bira doño dje akshonnan di Korpodeko den CPA, i ku esei Kòrsou i CPA lo tin hopi benefisio. E akshonnan ku lo ta disponibel ta minoritario.
Asina Minister di Desaroyo Ekonómiko, sr. Eugene Rhuggenaath, a duna di konosé na EXTRA den un entrevista e fin di siman ku a pasa. Segun e mandatario, resientemente den un reunion públiko opositornan a trata di krea e impreshon ku e lo ke bende patrimonio di Kòrsou (CPA), loke no ta kuadra ku bèrdat.
El a splika ku ta for di dia el a bira minister el a realisá bishitanan na Damen i tambe Port of Rotterdam pa wak kon por estrechá e lasonan i yega na formanan di koperashon ku ta benefisiá nos pais den region i mas aleu. Port of Rotterdam ta un kompania grandi ku tin su ret di klientenan, i den esaki tantu CPA komo KTK lo por sirbi un merkado mas amplio ofresiendo nan servisionan i ekspertisio den region. Esei ta algu benefisioso sigur teniendo kuenta ku desaroyonan den Kanal di Panama.
Pa loke ta e akshonnan den CPA, sr. Rhuggenaath a splika ku, Korpodeko ta un akshonista minoritario ku a deseá di Sali for di su akshonnan pa e por usa e plakanan aki pa otro invershonnan den ekonomia. Den e kaso aki sea CPA mes lo por kumpra e akshonnan bek, pero ku ta kita for di e kapital ku e por invertí, òf lo por bende e akshonnan ku tersera. Pues a disidí di wak si tin posibilidat di buska un partner pa kumpra e akshon minoritario aki. I esei ta loke a ofresé na Port of Rotterdam pa kombersá riba dje, aunke no por papia di un dil ainda.
Segun e mandatario, siendo un partner stratégiko, si nan lo tin akshonnan minoritario, e lo ta sinti su mes komprometé pa hasi negoshi. Loke lo por sosodé ta ku p.e. huntu ku nan ku tin e konosementu lo por desaroyá Bullenbaai. Pero tambe CPA lo por hunga un ròl den desaroyo i maneho di hafnan den region. Pero Port of Rotterdam tambe tin aktividatnan komersial na nivel internashonal, e tin su ret di klientenan rònt mundu i komo tal lo usa esaki pa trese kompanianan aki. Tur esaki ta algu ku lo krea empleo pa nos hendenan. Es mas, awor ku a kita e eksklusividat di CPS pa puertonan di futuro, ta habri un oportunidat pa traha riba dje. Segun e minister, komo ku e ta konsiderá e asuntu aki komo un asuntu koriente di gobièrnu (lopende zaak) opositornan ke krea e impreshon ku e ke bende patrimonio di pueblo.
Bron: Extra
Ik was een aanhanger van Rhuggenaath. Al mijn vertrouwen in hem is verloren. De huidige directie van CPA is precies dezelfde die enkele jaren geleden de KTK onderneming in Panama om zeep heeft geholpen. Nu wil onze minister met dezelfde ondeskundige apen nieuwe kansen creëren. Is onze minister blind of is hij blij met ja-knikkertjes en hielenlikkers om zijn beslissingen te waarborgen? Net zoals alle politici. In de nieuwe concessie met CPS blijkt nog een addertje onder het gras te liggen. Misschien op papier geen monopolie, maar de praktijk is anders. Zou de Haven van Rotterdam ons moeten helpen met deze flaters? Ik ben niet tegen een samenwerking of joint venture om economische ontwikkeling te bevorderen, maar ik interpreteer het anders. Korpodeko wil van haar minderheidsaandelen aandelen af en Rotterdam is bereid deze over te nemen. Geen strategisch beleid, maar opportunisme. Dat is een groot verschil. Helaas maar ook Rhuggenaath verdiend een brevet van onvermogen. Zijn partij is medeverantwoordelijk voor de situatie waarin wij nu verkeren en is geen optie meer voor de aanstaande verkiezingen. Vota MAN, NVP of Hustu.
Graag! We hoeven het wiel niet uit te vinden en ik denk dat we blij moeten zijn dat het Rotterdanm wordt en niet China of een Arabissch land zoals Schotte/Hakim destijds wilden.
Kontal ku ta minoritario mi no tin problema pa bende e accionnan ku hulanda ya nos por beneficia di experticio di nan tambe
Want we zijn pas komen kijken
Lo ta bon pa sa ki ta wordu konsidera komo minoritario, ki ta e persentahe(%) di e akshonnan kual Korpodeko kier sali foi dje? Alabes si tuma na konsiderashon desaroyo di haf Bullenbaai, mi ta kere ku easki lo tin keda den mannan territorial di Pais Kòrsou bou responsailidad di CPA. Ki CPA ta pinta ku nan no sa kon miho lo por sigui desaroya kualke haf di Kòrsou? Si semper ta bisa ku nos tin konosementu di e region(Caribe i America), dikon mester di un kompania te foi Europa (Port ofRotterdam) pa wak kon CPA i KTK por ofresé nan servisio na hafnan bisiña?Mas bien organisa biahe nan di negoshi den region pa facilita un CPA i KTK! I si tin buska un invershonista ki ta alternativenan ku a wordu konsidera? Sino e impreshon ta keda ku Kòrsou poko ta wordu mara riba terenonan strategiko ku Hulanda, prome DOK, pontentialmente CPA. Ta pesei a kita monopolio foi CPS?