26 C
Willemstad
• vrijdag 29 maart 2024

Extra | Journaal 26 maart 2024

Elke werkdag het laatste nieuws van Extra, nu ook in het Nederlands. Bron: Extra

Democracy now! | Monday, March 25, 2024

Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...

Extra | Journaal 25 maart 2024

Elke werkdag het laatste nieuws van Extra, nu ook in het Nederlands. Bron: Extra

Democracy now! | Friday, March 22, 2024

Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...

Extra | Journaal 22 maart 2024

Elke werkdag het laatste nieuws van Extra, nu ook in het Nederlands. Bron: Extra

Democracy now! | Thursday, March 21, 2024

Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...
- Advertisement -spot_img

Extra | Rhuggenaath: Trabou 1 dia na Miami di Schotte no ta nada nobo

HomeMediaExtra | Rhuggenaath: Trabou 1 dia na Miami di Schotte no ta...
Rhuggenaath: Trabou 1 dia na Miami di Schotte no ta nada nobo

WILLEMSTAD.- Tur e kosnan ku a keda tresé dilanti durante di e 1 dia di trabou na Miami dor di parlamentario Schotte pa ku Avianca/InselAir no ta nada nobo.

Tur e kosnan aki ta poné riba papel i palabra kaba, ta loke ku eks minister enkargá ku turismo sr. Eugene Rhuggenaath a duna di konosé na EXTRA.

Rhuggenaath a bisa di a tuma nota dje komunikado ku a bai rònt riba medionan sosial. E ta kontentu ku minister Errol Goeloe a kontinuá ku e trabounan ku el a bin ta hasi ku Avianca i On Vacation pa Kura Hulanda.

“Tur e kontenido ku mi a mira den e komunikado no ta nada nobo i ta kos ku mi mes a papia ku e doño di Avianca dia nos a bishit’é na Colombia”. Rhuggenaath a bisa ku ta kosnan di último siman ku e tabatin kombersashon intensivo ku Avianca ku a kondusí na e “letter of intent” i ku tabatin un “heads of agreement” riba mesa. E eks mandatario ta spera ku minister Goeloe lo firma lihé pa yega na e aliansa ku Avianca.

Sinembargo Rhuggenaath tin dos punto di atenshon, kual ta ku Schotte den parlamento a bisa ku gobièrnu no ta bai pone mas sèn pa InselAir. E 8 mion ku a sobra dje 33 mion, e parlamentario a bisa di lo pone den fondo di penshun pa trahadónan. Parti di akuerdo ku Avianca ta bisa ku miéntras tantu ta sigui papia riba kontrato final, ku tin 6 siman di tempu, gobièrnu ta sigui duna asistensia pa e kompania sigui bula i Avianca tambe wak kon ta yuda pa sigui tene InselAir na laira. Esaki ta un punto potensialmente ku por perhudiká henter e proseso, segun Rhuggenaath.

E di dos punto ta ku e detayenan ku a divulgá den medionan, ta puntonan ku for di aña pasá Avianca a pidi partidonan sinta na mesa, pa no hasi esakinan públikamente. Ta detaye sensitivo pa e proseso di negoshashon ku posibel aliansa stratégiko i tin kompetidornan. Ta ora yega na un akuerdo, e ora ei tin di sali i duna detaye di esakinan.

“Avianca ta un kompania ku tin reglanan i p’esei nos e tempu ei a bisa konsientemente, ku a papia ku doño di Avianca, pasobra e doño tin di bai board dje kompania”. E motibu ku Rhuggenaath ta ta bisa esaki ta ku e ta spera ku e publikamentu den detayenan no ta bai ta estorbo dje proseso. Esaki ta dos punto di atenshon.

Rhuggenaath ta spera ku sr. Goeloe lo firma e “heads of agreement” i otro kosnan ku a papia riba dje. Tambe sr. Rhuggenaath a kuestioná ta den ki kalidat Schotte ku ta un parlamentario, a bai papia ku e doño, i palabrá kosnan nobo. Pasobra esaki mester bai ku aprobashon di akshonista i tambe e curator ku ta atendé ku InselAir.

Loke ku Schotte a skibi no ta nada nobo i no ta kos ku ta logra den un dia di trabou, e lider di PAR a bisa EXTRA. A aserká Avianca dor ku e tabata un bon ‘fit’ pa InselAir i ta trese stabilisashon pa hasi InselAir bon bèk pa futuro.

Pa loke ta trata otro proyekto ku Schotte ta papia di a logra ku ta On Vacation (Kura Hulanda), tambe minister Rhuggenaath a bisa ku esaki no ta nada nobo.

“Na fin di 2015 ora mi a bira minister mi a keda introdusí na On Vacation huntu ku minister Jardim. Pasobra tabatin un kuadro kaba kiko gobièrnu mester hasi pa traspaso debí na debe ku tabatin ku banko/instansia finansiero. Tur kuater instansia mester a bai di akuerdo ku e kuadro di gobièrnu. Promé ku mi a baha, ya kaba tabatin un akuerdo i loke ku gobièrnu mester a hasi ta ehekutá algun kos. Mester a ‘schrijf af’ algun debe di belasting, debe na Aqualectra i tambe e erfpacht cannon pa keda meskos i mester a renob’é. Ta algun kos ku gobièrnu mester a ehekutá. Tur loke ku tin den komunikado no ta kos nobo. Ta algun trabou tin pa hasi, i mi ta spera ku esaki si ta keda kla den un dia di trabou”, sr. Rhuggenaath a bisa.

E ta positivo i kontentu ku minister Goeloe a sigui ku su proyektonan i spera keda kla mas pronto ku ta posibel. On Vacation su modelo ta yena charter pa nan turista bai destinashon unda nan tin hotèl. Kòrsou ta ‘fit’ nan kliente i hopi serka di Bogotá. Esaki tambe tin un impakto positivo pa e aliansa di InselAir/Avianca, segun sr. Rhuggenaath.

Bron: Extra

InselAir kontentu ku gobièrnu a sigui wak aviashon na Kòrsou

InselAir kontentu ku gobièrnu a sigui wak aviashon na Kòrsou

WILLEMSTAD.- InselAir ta sumamente kontentu ku gobièrnu a sigui wak aviashon na Kòrsou i posibilidatnan ku tin ku Avianca, esaki tabata deklarashon di sr. Edward Heerenveen na EXTRA. E deklarashon aki di Heerenveen, despues di a tuma nota den medionan ku tabata sirkulá notisia ku vários punto ku lider di MFK, Gerrit Schotte i minister Goeloe a reuní ku direktor di Avianca na Miami.

Señor Heerenveen a bisa ku InselAir tambe a papia ku Avianca un par di siman pasá, a yega na palabrashonnan i ku e ta kontentu ku den kombersashonnan ku a tuma lugá den wikènt tras di lomba, ku Avianca ta pensa di dal bai ku InselAir. Sr. Heerenveen ta spera ku mas lihé posibel lo mira movementunan den e direkshon ku e relato di prensa ku a sali, ta indiká.

“Ta mas ku klaro ku gerensia di InselAir ta boga pa manera den relato ta bisa, por pone hendenan bèk na trabou, ku por pone rutanan bèk ku nos hendenan semper a hasi bon uso di dje i ku por probechá dje echo, ku nos ta trahando ku un kompania grandi ku ta duna nos e posibilidatnan pa por sigui krese, manera tabata e idea dia ku InselAir a lanta nobo nobo”.

Finalmente sr. Heerenveen a bolbe enfatisá ku nan ta kontentu ku a sigui ku e  ruta di Avianca.  InselAir lo duna tur koperashon pa yega na loke ta mihó pa Kòrsou, mihó pa trahadónan i mihó pa InselAir.

Bron: Extra

Cleopa: Ta balotando inteligensia di pueblo i di empleadonan InselAir

Cleopa: Ta balotando inteligensia di pueblo i di empleadonan InselAir | Extra

WILLEMSTAD.- Kada ken ku dòsplaka di sinti lo por puntra nan mes si enbèrdat den un solo dia di tempu lo yega na un akuerdo ku Avianca. Gobièrnu ta un kontinuashon, i komo tal no ta kita nada si un polítiko papia bèrdat i mustra ku el a duna kontinuashon na algu ku tabata kanando kaba i ku e tambe tabatin su granito pa a yega e punto final. Semper partido MAN ta keda kere ku e loke ta hasi un polítiko grandi ta ora esaki papia bèrdat ku su pueblo. Esei ta e promé ingredientenan di un polítiko respetá i korekto i ku ta duna ehèmpel di ta papia bèrdat ku su pueblo. Asina sr.  Eugene Cleopa di MAN ta duna komo reakshon riba e pretenshonnan di un partido den aktual gobernashon ku ta nan lo a yega na un akuerdo ku Avianca.

Segun Cleopa, di parti di MAN ta masha hopi trabou a ser hasi den e periodo kòrtiku di gobernashon ku tabatin pa por a garantisá ku ta hasi algu pa evitá kiebro di InselAir. A instalá un komishon di sabio ku mester a hasi un investigashon pa yega na rekomendashonnan riba loke mester hasi, no opstante ku gobièrnu tin komo prinsipio ku no ta pone plakanan públiko den kompanianan priva. Sinembargo mirando ku InselAir ta e úniko kompania aéreo ku konekshon entre islanan-ABC, tabata importante pa mantené e konekshon pa motibunan ekonómiko i sosial, sino lo no tin airlift.

Esaki tabata un dje prioridatnan, loke a redundá den un inyekshon/fiansa di 33 mion pa garantisá ku InselAir no ta sera. Despues di kasi un aña di negosiashon, awor nèt promé ku kambio di gobièrnu a yega na un akuerdo i asina a firma un Karta di Intenshon ku Avianca. Ku esaki InselAir lo por bira aliado di un kompania grandi ku eksperensia i asina tambe ta salbaguardiá i fortifiká e kompania i asta habri kuponan nobo. Esnan ku lamentablemente a pèrdè trabou lo por haña un trabou atrobe.

Segun Cleopa, niun gobièrnu ku sinta no ta bini pa kita hende fo’i trabou. Pues ta importante pa papia e bèrdat ku pueblo. Un akuerdo dje índole aki ku un kompania di aviashon no ta algu ku bo ta yega na dje denter di dia manera otronan ta pretendé. Ta sumamente remarkabel ku un vuelo di un dia a kondusí supuestamente na un akuerdo ku Avianca pa InselAir. Pero esaki ta algu pa tur hende pensa i saka nan konklushon. No ta momentu pa balotá inteligensia di pueblo i no ta momentu pa hasi polítika ku doló di empleadonan di InselAir.

Ta masha fásil pa rekonosé e trabou adelantá ku a ser hasi i splika ku e gobièrnu aktual a bin terminá loke ku a kuminsá kuné. E tipo di kosnan aki no ta krea konfiansa!

Bron: Extra

Naschrift KKC:

Persbericht MFK:

1 dia di trabou na Miami ta produsí solushon Avianca-Insel Air i benta di 2 Hotel na Kòrsou ku grupo ON VACATION

Willemsatd/Miami, 2 di aprel 2017,

Den 5 dia di trabou, Gobièrnu nobo sostené dor di grupo G12 i Ministernan ta SKOR tremendo. Kambiando e paradigma di e “BUROKRASIA” den “RED CARPET” di gobernashon di Kòrsou, Gobièrnu ta los 2 proyekto grandi bon pa mas ku 800 kupo di trabou.

Avianca/Insel Air:

Den un bishita relámpago kaminda e boluntat polítiko di grupo G12 i e poder gubernamental presente, a reuní ku doño di “Synergy Corporation” i alabes doño di Avianca, ku ta señor German Eframovich pa amplia i papia riba solushonnan konkreto pa e problemanan di Insel Air, manera entre otro e maneho di “Open Sky Policy”, kreashon di rutanan na un forma responsabel, rekuperashon di kuponan di trabou pèrdí, kambio di avionnan pa avionnan nobo i adekuá pa bula rutanan ku Kòrsou lo sigui ekspandé huntu ku Avianca den futuro, tabata parti di e agènda.

Den e reunion aki disponibilidat di Avianca pa yuda Kòrsou solushoná e problema di Insel Air a wòrdu ekspresá positivamente di ámbos banda. For di e maneho polítiko ku nos lo hiba i e parti komersial e kombersashonnan a kana sumamente positivo i no tin duda ku grupo Avianca sa kiko ta aviashon i kon pa alkansá metanan ku ta deseo di gobernashon di Kòrsou den e kuadro turístiko, loke pa hopi aña nos no a logra esakinan.

Avianca kier hasi un “Turn a Round” lo mas pronto posibel pa loke ta trata aviashon, si Gobièrnu di Kòrsou i polítika ta para tras di esaki.

1. Den ménos ku 1 siman despues di yega na un akuerdo ku “Synergy Corporation”, e ekipo di Avianca lo start mesora ku training di personal pa atendé ku avionnan ATR-70 i Jetnan Airbus pa asina personal i pilotonan wòrdu kapasitá na e “Training Center” di Avianca na Bogotá.

2. Den ménos ku 3 luna rutanan prinsipal lo wòrdu restablesé i ku “ON TIME PERFORMANCE”, manera kliente di un aerolínea mester wòrdu sirbi.

3. Den ménos ku 1 siman Avianca lo solushoná problemanan ku tin na e momentonan aki ku IATA, pa loke ta benta di ticket.

4. Lo intersedé tambe na fabor di Gobièrnu di Kòrsou pa e problema di Kategoria 2 bai 1 den korto tempu.

5. Lo yega den korto tempu na u total di 400 kupo di trabou bek den Insel Air, di un forma responsabel i duradero.

6. Kòrsou lo benefisiá di e aliansa ku resientemente Avianca a firma ku United Airlines (negoshashon ku a envolví 150 funshonario di Avianca pa 18 luna ku United Airlines)

7. Nos lo ta parti di e programa “Star Alliance” ku lo duna nos akseso na 28 di e tòp liñanan aéreo di mundu ku ta traha den harmonia ku otro ku 1000 VIP “Lounges” rònt mundu, un programa pa spar mia (miles) ku hopi benefisio i tambe servisio speshal di “Security Clearance” na mas di 140 aeropuerto rònt mundu.

8. Kòrsou ta sali for di 4 situashon penoso di aviashon ku nos a eksperensia durante di e último 40 añanan i pasa pa un merkado di aviashon serio i sólido.

Tur kos ta dependé na e momentunan aki di kréditonan ku nan ta pèrdè tur kos na momento ku Insel Air bai fayit òf si nos ta logra aktua di un forma responsabel i “Turn a Round” den e próksimo siman, Insel Air den Avianca-Curacao.

2 Hotel bek den full operashon:

Tambe e tim dinámiko di e grupo G12 i su ministernan a logra eliminá opstákulonan ku ta blòkiando e benta di e 2 propiedatnan di Kura Hulanda ku bankonan ta pendiente pa mas ku 1 aña i mei kaba, pa e propiedatnan aki wòrdu bende, ku grupo “ON VACATION” – http://www.onvacation.com/#

E grupo di Sur Amérika aki tin mas di 4000 bendedó di nan paketenan turístiko rònt Mundo. E grupo aki a disidí ku nan kier kumpra 2 hotèl na Kòrsou na un balor di 18 mion dòler i ta ekspandé e propiedatnan aki ku 40 kamber mas aserka na e propiedat na Otrabanda i 100 kamber mas na e propiedat na Westpunt (Invershon bon pa mas di 20 mion dòler). Asina aki e grupo aki ta bai krea mas di 400 kupo di trabou den e dos propiedatnan aki, i nan operashon lo dòbel den e próksimo añanan e kantidat di bishitantenan for di Sur Amérika.

Ora poder di Pueblo ta wòrdu usa adekuadamente e logronan ta tuma lugá i na benefisio di Pueblo di Kòrsou. Pabien Kòrsou.

JOB WELL DONE,

Grupo G12 (Braam, Dannawi, MP, PS, KDNT i MFK) i nos ministernan di Gobièrno di Pueblo.

Esaki ta un komunikado di MFK

Dit artikel is geplaatst in

2 reacties

  1. Tristu – e homber aki por duna man na esun na USA ku tambe ta ganja tur pida na otro i en berdad presta nada mas ku gastamentu di tempu i plaka-pero meskos ku na otro pais semper tin un par di sokete ku ta keda kana tras di e djakanan aki -te ora Djaka kwe boka jen di Veneno ku e mes a planta.

Geef een reactie

Vul alstublieft uw commentaar in!
Vul hier uw naam in

Zoeken

Recente reacties