Extra | Ribeiro: McWilliam tampoko no ta respetá deseo di Parlamento

Ribeiro: McWilliam tampoko no ta respetá deseo di Parlamento | Extra

Ribeiro: McWilliam tampoko no ta respetá deseo di Parlamento | Extra

WILLEMSTAD.- Parlamentario Norberto Ribeiro di Kòrsou di Nos Tur ta reakshoná riba  e esfuerso ku presidente di Parlamento Giselle Mc William a hasi pa trese union bèk den Parlamento di Kòrsou.

Manera ta konosí for di 4 di yanüari parlamentarionan di MFK i Kòrsou di Nos Tur no a partisipá den reunion públiko ni komishon sentral mas. Resientemente Mc William a purba pa deliberá ku e partidonan pa nan lo partisipá den reunion di parlamento atrobe.

Ribeiro: “Mc William a papia ku nos, pero e no a konvensé mi. El a splika ku e ke kuminsá di nobo. Pero na mi opinion e ta traha na mesun manera ku su predesesor Humphrey Davelaar. E ta usa e mesun manera diktatorial.” Ribeiro ta splika ku e ta un hòmber ku ta respetá reglanan i leinan.

Su punto ta ku lidernan di partido MFK, Kòrsou di Nos Tur i Movementu Progresivo huntu ku parlamentario independiente Eduard Braam i parlamentario di Pueblo Soberano Melvin “Mac” Cijntje den un karta na presidente di Parlamento a puntra pa akshonnan ku tin ku tuma lugá pa lanta Komishon Smart Zoning konforme moshon aprobá dor di Parlamento djabièrnè 25 di novèmber 2016. Den e karta, mandá dia 23 di yanüari 2017, a puntra Mc William pa tuma stapnan nesesario ku tin di tuma lugá pa por kaba e proseso di lanta e komishon. A pidi Mc William pa apuntá e punto di agènda pa aprobá proposishon pa lanta e komishon i tambe aprobá e ‘instellingsbesluit’ di e komishon riba djárason 25 di yanüari 2017. I despues apuntá e punto di agènda den reunion públiko pa instalá e komishon ofisialmente djaweps 26 di yanüari 2017. Pero esaki no a sosedé.

Ribeiro: “Mi a splika Mc William ku segun reglamentu di Ordu komo presidente e mester ehekutá desishon ku Parlamento a tuma. Ku otro palabra no tin niun otro opshon pa presidente pa instalá e komishon. Mc William ta bin ku tur sorto di splikashon, pero te ainda e ta ninga deseo di Parlamento.”

Bron: Extra

2 Reacties op “Extra | Ribeiro: McWilliam tampoko no ta respetá deseo di Parlamento

  1. Ach Ribeiro, baantjeszieke kontenlikker van de proleet Amparo dos Santos.

    Had vroeger respect voor hem, maar wat is deze mafkees afgegaan door via de mondiman Amparo op zoek te gaan naar een beter baantje.

    Ribeiro moet zich doodschamen voor zijn vrouw en kinderen. Als hij dat niet doet, doen zijn vrouw en kinderen het wel voor hem.

  2. Poppenspel

Geef een reactie

Het e-mailadres wordt niet gepubliceerd. Vereiste velden zijn gemarkeerd met *