WILLEMSTAD.- Ronny Cornelis di e Tim Multidisiplinario ku a bin ta hasi kòntròlnan riguroso den último lunanan a stòp di kome karni. “E kòntròlnan ku a tuma lugá a pon’é yega na e desishon aki”, asina Cornelis a deklará ayera.
Cornelis a konfirmá ku karni ta un problema serio ku a konstatá den e kòntròlnan ku ta tumando lugá. Na su opinion, ta karni ta okashoná hopi problema serka hende. Karninan ku no ta bon wardá ku den boka di pueblo ta yama karni putrí, ta un di e faktornan.
Cornelis a bisa ku un di e kosnan mas fis ku el a topa ta e situashon na Dushi Lumpia. Einan a pasa tur nivel di higiena, asina el a komentá. El a bisa tambe ku konsumidónan lokal mester ta mas konsiente di loke nan ta kome. “Ta bèrdat ku durante un kòntròl ku nos a hasi i ku a deskubrí kosnan inkorekto, un hende a pidi pa no tuma medidanan ainda i sera e lugá, pasobra ainda e no a haña su bestelling”.
Pa loke ta trata e kaso di konènchi ku karpata ku a haña den un frizer siman pasá, Cornelis ta kere ku tabata usa e konènchinan pa meskla den “fried rice”. E kaso ta asina serio ku awor aki tin e rekomendashon riba mesa pa e lugá no habri mas. Lo bai tuma un desishon riba e situashon aki den e próksimo dianan. E hefe di e tim a bisa tambe ku un di e problemanan serio ta ku hopi restorant, prinsipalmente esnan chines, no tin kòki profeshonal den servisio. Ken ku ta ku ta traha den agrikultura na China por bin Kòrsou i traha den kushina. Den e kuadro aki, el a boga pa bin un kòntròl mas estrikto riba papelnan di esnan ku ta traha den kushina.
Komentando si tin estorbo pa su trabou, Cornelis a bisa ku e tim a haña sosten kompleto di eks minister di ekonomia Rhuggenaath. E aktual minister Steven Martina ta dunando tur apoyo na e tim. “Den pasado bèrdat a stroba nos di hasi nos trabou. Awor aki a bisa nos pa nos hasi nos trabou i no yama ora ku topa kosnan iregular, inkluso si esei ta serka empresanan i hende konosí”. E trabounan ta sigui tur ku tin i den e próksimo dianan por spera mas kòntròl.
Cornelis a ekspresá e speransa ku prensa lo no publiká e kasonan kaminda a haña kos iregular so. Tin hopi empresa ta kumpli ku regla i ta higiéniko i nan tambe mester bin den publisidat, asina el a bisa.
Bron: Extra
Ronny ta un Desgrac..do grandi.
Kaminda e no por hanja nada di cen of bibida e ta kontrolá e luga rigorosamente.
Tin kaminda ku e no sa kontrala mes
Miep,
cornelis y su hende por ta hende di bow di palo.
Nan por ta hende sin educacion. Pa mi esey no ta importsnte mas.
Pero locual nsn a constate a buta ami tembla y vomita.
A bo di no.
Que porqueria.
A mi tabata tin mi duda bastante tempo den e chino nan.
Awor ni carchi telefoon lo mi no kier cumpra mas na chino nan.
Kom nou, conenchi ku carpata ?
Mi dios.
Cornelis ku su B-shit story–mi a mira kon nan ta traha di serka–nan no ta profesional-nan no ta tene nan mes na etiqueta di konducto–nan mes ta pasa tur informasion ku no ta pa publiko.
I ora nan mester rektefika-niun hende na kas.
Laga nos bai investigua kwa kurso od Universidad e hendenan aki a bai studia??? niun-muchonan manda dor di politikonan nan ta.
Ku nan por hasi un bon trabow ta sigur-itegridad si nan no konose-i ora ta sekra pa bai kas-tur ta kore manera kabritu.
Bo sa dikon e Chinesnan ta gusta pone KKKK den nan kuminda? pasombra anjanan largu pueblo di Buchi a descrimina nan-esei nos ta jama PAYBEK