Extra | Schotte i aliadonan metí den MOT melding di mas ku 2 mion florin

…Abogado General Anton van der Schans ku ta esun ku a biaha bai Italia pa tira bista den e dokumentonan… | Extra

WILLEMSTAD.- Hues Radder ku tabata e presidente di Hof durante tratamentu kaso Babel a splika ayera den e veredikto vários punto ku e akusadonan Gerrit Schotte i Cicely van der Dijs a keda akusá di dje.

Segun e presidente for di e dossier e denunsia nan kontra e akusado, dor di e siudadano maskulino H.V. ku a keda hasí dia 18 sèptèmber 2012 i tambe un siudadano anónimo dia 22 di òktober 2012 di kual ámbos a manda un karta pa prokurador general.

Mirando esakinan despues di un investigashon a sali afó ku MOT a hasi un investigashon riba e akusado, miembro di famia i asosiado nan di kual a sali afó ku den e periodo di mart 2007 te ku yanüari 2013 nan tabata involukrá den un kantidat grandi di denunsia nan pa un suma total di ANG 2.225.786,00.

Seguidamente a kompará e informashonnan di e denunsia nan ku esnan ku MOT a pidi.

E konklushon pa ku esaki ta ku e sospecho tabata na su lugá i ku e akusado a hasi su mes kulpabel na e siguiente echonan kastigabel; Labamentu di plaka di artíkulonan di kual un gran kantidat di suma di plaka;

Denunsia falsu intenshonalmente di impuesto;

Violashon di ordenansa di lei nashonal di Finansas di gruponan polítiko.

Mirando esaki na prokurador general a duna òrdu dia 6 di yüni 2013 pa hasi e investigashon anterior penal.

Banda di esaki abogado general van der Schans a deklará di a manda den un karta dia 20 febrüari 2014, kaminda el a bisa di a haña un mail di Ministerio Públiko italiano di kual nan a bisa ku a haña sierto dokumentunan den un investigashon andando di Corallo ku por ta importante pa Ministerio Públiko.

Mirando esaki 19 di desèmber 2012 e abogado general huntu ku un kolega a biaha bai Milan serka fiskal Pelicano di kual nan por a haña wak den e dokumentonan.

Tabata trata di dos faktura di e kompania Vanddis, Betplus

Giocolegale Ltd na Roma.

For di un karta di 28 di yanüari 2013 a kuminsá sirkulá riba Internet rumornan di e transakshonnan rondó di e transakshonnan finansiero di e akusado.

Hues Radder a duna di konosé ku promé ku Ministerio Públiko a drenta den akshon pa medio di e karta tabatin mas denunsia ku a keda hasí.

Den promé instansia prokurador general no a duna òrdu pa kuminsá ku un investigashon penal riba sospecho. Despues di esaki segun e veredikto tabatin sufisiente motibu pa a kuminsá un investigashon penal kontra di e akusado.

Bron: Extra

Naschrift KKC

2017 07 21 – Strafvonnis in Hoger Beroep Babel Gerrit Schotte by Black Lion on Scribd

2017 07 21 – Strafvonnis in Hoger Beroep Babel Cicely Van Der Dijs by Black Lion on Scribd

Geef een reactie

Het e-mailadres wordt niet gepubliceerd. Vereiste velden zijn gemarkeerd met *