Extra | Screening di e gabinete interino nobo no ta kla ainda

Screening di e gabinete interino nobo no ta kla ainda | Extra

WILLEMSTAD.- Formadó Ruthmilda Larmonie-Cecilia ayera a bishitá gobernador Lucille George-Wout. Larmonie-Cecilia a informá George-Wout tokante proseso di formashon huntu ku proseso di screening di posibel ministernan pa un gabinete-interino.

Segun formadó Larmonie-Cecilia, formashon, inkluso screening di kandidato-ministernan, te ainda no ta kla.

Gobernador a pidi Larmonie-Cecilia pa duna un relato nobo no mas lat ku djaluna 27 di mart. Tambe gobernador a pidi Larmonie-Cecilia pa informá su persona ora tin desaroyo den kuadro di formashon di un gabinete-interino nobo. Asina Gabinete di Gobernador a duna di konosé den un komunikado di prensa ayera.

Manera ta konosí, gobernador a duna Ruthmilda Larmonie-Cecilia dia 6 di mart e mandato pa forma un gabinete interino. Esaki ta e konsekuensia di e echo ku e gabinete Koeiman no ta gosa di sosten di e mayoria den Parlamento mas i alabes e minister-presidente Koeiman a entregá retiro di su gabinete i a disolvé parlamento dia 12 di febrüari. Riba petishon di gobernador, gabinete demishonario Koeiman a keda sinta, te ora ku bin un gabinete ku ta gosa ku mayoria den Parlamento. Un di e tareanan ku gobernador a duna e gabinete interino, ku pronto lo sinta, ta pa sigui traha riba elekshon planiá pa 28 di aprel 2017 i tambe kontinuá ku asuntunan pendiente. E mayoria ku tin awor den Parlamento resientemente a bai di akuerdo tokante repartishon di tur kartera di e gabinete i tambe tokante posibel ministernan nobo.

Bron: Extra

2 Reacties op “Extra | Screening di e gabinete interino nobo no ta kla ainda

  1. Abraham Mossel

    Als Charles Cooper door de screening komt, vreet ik mijn olifant die achter in mijn tuin staat, in een dag op.

  2. Cooper kan nooit door de screening komen

Geef een reactie

Het e-mailadres wordt niet gepubliceerd. Vereiste velden zijn gemarkeerd met *