Extra | Sèlnan kònteiner di Boneiru lo por keda usá aki na Kòrsou

Voor toestroom ongedocumenteerde Veneziolanen | Extra

WILLEMSTAD. – Minister mr. Ornelio ‘Kid’ Martina den su afan pa buska solushon rápido pa e kantidat di venezolanonan ku ta keda arestá den e último tempunan tantu na kosta di Kòrsou komo riba e isla aki, a biaha ayera pa Boneiru pa wak kondishon di e sèlnan-kònteiner ku tabata den uso na Boneiru pa hopi aña, keda transportá i harmá aki na Kòrsou.
Manera ta konosí último tempunan venezolanonan indokumentá ta yenando Kòrsou i simplemente no por sigui asina.

Den pasado ya tabatin vários enkuentro entre di Minister di Hustisia di Kòrsou i di Ulanda riba e partikularidat aki i kada bes ta buskando solushon pa e situashon kompliká kresiente aki.

Minister Martina a tuma nota ku sèlnan pa sera indokumentá aki na Kòrsou ta kan kan, esta no tin lugá pa pone mas hende, miéntras ta kasi tur dia Warda Kosta ta interseptá botonan ku ta krusa laman for di Venezuela pa Kòrsou ku kantidat di hende riba dje.

E loke ku outoridatnan hudisial ta hasi, ta trata mas tantu posibel i mas lihé posibel, pone e hendenan aki riba avion i manda nan bèk nan pais. Pero e problema di kantidat di hendenan den sèl ta sigui un preokupashon.

Den e kuadro aki Martina ta di opinion ku mester yega mas lihé posibel na un solushon i no por warda. Esaki a pone ku ayera Minister Martina a biaha pa Boneiru pa wak kondishon di e sèlnan kònteiner ku Boneiru a usa pa basta aña pa sera hende pa trese esakinan Kòrsou.

Ulanda a regalá Kòrsou e sèlnan, pero e gastunan di desmantelashon, transporte pa Kòrsou i harmanan, ta pa Kòrsou.

Esaki ta motibu ku Minister Martina a biaha pa Boneiru pa wak e kondishon di e sèlnan kònteiner nan, pa wak si ta bale la pena aseptá e regalo aki òf mihó kumpra nobo mesora ku lo por sali mas barata, dependé e kondishon di e sèlnan.
Manera ya menshoná ayera e minister a biaha pa Boneiru i denter korto lo traha un rapòrt pa sa si ta trese e sèlnan kònteiner òf no.

Bron: Extra

Geef een reactie

Het e-mailadres wordt niet gepubliceerd. Vereiste velden zijn gemarkeerd met *