WILLEMSTAD.- “Rekonekshon di awa pa tur hende ku awor ta deskonektá, ta posibel. Pero segun Aqualectra esaki mester tuma lugá den e kadernan finansiero i hurídiko di e kompania.
Si no Aqualectra no por koperá.” Asina direktor di Aqualectra Darick Jonis a skirbi den un karta pa gobièrnu ayera. Jonis a skirbi ku direktiva di Aqaulectra tin komo tarea primordial pa vigilá interes di e kompania. “Den e kuadra ei ta bon pa direktiva ta menshoná e enkuesta sivil di profesor Willems a hasi tokante maneho di kompanianan di gobièrnu.” Tambe kompania mester sigui reglanan segun Kódigo di Corporate Governance. Jonis: “Den e kuadro di tur esaki ta importante ku atministrashon finansiero ta korekto pa Aqualectra. Esaki ta nifiká ku kompania mester haña sèn pa kada produkto i servisio ku nos ta suministrá.”
Den e kuadro di rekonekshon ministerio di SOAW i Finansa mester paga Aqualectra pa e kuentanan habrí di tur e klientenan ku te awor no tin awa, segun Jonis. Den su karta Jonis ta menshoná ku “mester evitá ku konekshon di hende ku no a paga, ta krea impreshon di boluntario.” Segun Jonis e tarea di gobièrnu ta pa sòru ku hende ku tiki sèn ta keda rekonektá i ta keda konektá riba distribushon di awa.
Na final di e karta Jonis ta splika ku Aqualectra por duna su koperashon solamente si tur kos ta bai segun e kadernan ku Aqualectra a pinta den e karta.
Ku e karta Jonis ta reakshoná riba un karta ku akshonista di Aqualectra den un reunion ekstraordinario, konosí komo BAVA, a tuma pa duna gerensia di Aqualectra un ‘Aanwijzing’ pa rekonektá awa.
Bron: Extra
@uny, mi tin un otro idea. Korda ku Cooper no a pasa screening pasobra e debe belasting. Den bida tin dos kos ku ta sigur nos tur ta muri un dia anto nos tur tin ku paga belasting. E kabinete aki ta manda un mal senjal pa tur hende di husa kos di hende sin paga.
Si un hende ta invalido e no tin trabou i e no tin suficiente entrada gobierno mester garantisa ku en por hanja suficiente entrada pa kubri gasto basico (kuminda, luz, corriente, etc). Nos tin suficiente hende ku kier kos pornada akinan. Imaginabo si bo traha un kas ku sodo di bo frenta anto hur e anto otro hende kier biba aden sin paga.
mi ta hanja ku awa ta loke ku un hende mester esey ta para den leynan rond mundo ku awa ta e kos ku hende mester no ta un lugo e ta pero di nesesidat y mi ta hanja si ku tur hende mester tin awa pa bebe y banja esey ta hopi importante, y mester ta realistiko si y tambe si por buta awa bek y drenta un areglo di pago pa asina e hendenan paga of ku nan por hanja un sanaschon riba e debe ey asina nan por kuminsa di nobo door ku aqualetra ta kobra tog pa e awanan ku a bai perdi yesey ta sigur y tampoko nan no ta perde ningun seng
Tur e ministernan ku ke reconecta e awa-laga nan page di nan cen-no di cen di e pagador di belasting-ami tambe ke awa gratis-laga e flohonan bai traha pa kaba-nan semper ke tur kos por nada o horta.