WILLEMSTAD.- Ta generalmente konosí ku pa desenionan largu kaba Isla ku gobièrnu di Kòrsou ta menospresiá hende ku ta biba bou di huma di Isla. Pero ya.
E aña akí nos tabatin algun siman di trankilidat pasobra, pa kua motibu ku ta, nan lo a bai traha na mantenshon dje refineria segun Smoc.
Aparentemente Isla ta start e asina yamá catcracker atrobe i Smoc ta ripará esaki. Riba media sosial, manera esun Stòp Isla NOW (Facebook), ta publiká potrèt di puiru fini ku a bin drumi riba pertenensia di hende. Unda ta mira esaki promé atrobe? SMOC a pidi atenshon pa esaki kaba, pasobra e puirunan akí por kontené metal pisá den forma di materia fini ku ta drenta bo kurpa ora ta hala rosea.
E emishon ku ta kousa kanser akí por wòrdu midí parsialmente ku midishon TPS, manera por mira akibou den gráfika di promedionan anual (fuente: www.luchtmetingencuracao.org). Ta masha tristu ku nos ta bayendo, e siman akí mes, den direkshon di un rekòr nobo, mirando e promé midimentu na Beth Chaim. SMOC nunka no a eksperensia un emishon asina haltu di TSP (masoménos 2100 µg/m3).
No ta nada pa ta orguyoso di dje. Prinsipalmente e abitantenan di bario bou di huma ta paga ku e preis mas haltu: nan salubridat. SMOC no por biba ku esaki. Pero e mayoria di e polítikonan na Kòrsou no ta mira niun problema den esaki. Smoc ta konsider’é mashá tristu.
Bron: Extra
e lastu 3 simannan cu PdVSA ta bezig cu startmento tur mi matanan
ta muri,e palmanan di misa ta shinishi na puntanan di e blachinan I ta bira
geel duro I muri tur dia nan tin 2 te 3 blachi morto nan no ta berde mas pero
geel.Mi salud tambe ta malo 2016 dubbele longontsteking no sintoma di griep.
pero di inhaler fijn stof di PdVSA.