Extra | Soberano ku vários batata kayente pa atendé awe

Soberano ku vários batata kayente pa atendé awe | Extra

WILLEMSTAD.- Partido Pueblo Soberano tin kosnan serio pa bai atendé den un reunion krusial ku ta bai tin awe mainta. Den e reunion aki lo bai atendé entre otro desishon ku lo tin di kai ken ta ser honrá ku e asiento ku partido a risibí den e último elekshon, esei no opstante ku legalmente e asiento ei ta pertenesé na Jaime Cordoba kende a enkabesá e lista.

Tur esaki i mas a ser informá na EXTRA.

Segun nos informantenan, for di basta dia kaba tabatin problemanan serio den seno dje partido aki. E problemanan ta datá na momentu ku e frakshon a kita sosten for di Gabinete Koeiman. Tabatin hendenan ku no a simpatisá ku e idea pa bai Goberná ku MFK i KDNT, ya ku algun siman promé a dal nan bòftá pa despues bai forma ku nan mes. Pa no papia mes di e motibu (Smart Zoning) pa kual a tumba Gobièrnu. Esnan ku ta sigui ideal i palabranan di nan lider inmortal, Helmin Wiels (q.e.p.d.) esaki por a ser konsiderá komo un traishon.

Otro problema ku a hera di kosta partido tabata e ousensia di Sherwin Leonora. Leonora tabata riba un biahe di fakansi ku famia na momentu ku sra. Jacinta Constancia tabata detené i asina e grupo no por a konta ku mayoria. Sin Constancia i sin Leonora, e sosten lo a keda na 10 asiento. Pa kolmo a tene Leonora for di lista i gañ’é ku Gobernador a pidi pe bin Kòrsou.

Miembronan di e partido no a gusta tampoko ku a nua ku Ben Whiteman, un dje figuranan di promé ora i un dje tiki idealistanan ku a keda atras despues di morto di Wiels.

Pa bai den ámbito di e último elekshon, ta konosí ku PS a haña 1 asiento, i sra. Ruthmilda Larmonie-Cecilia a optené 1.722 voto, miéntras ku Cordoba a haña 1.490. Manera nos a informá, legalmente Cordoba tin derechi riba e asiento komo e promé riba lista. Segun nos informantenan, nan ta kere ku Larmonie-Cecilia, aparte di ta malkontentu, e lo por bai ‘claim’ e asiento aki pa dos motibu. Primeramente el a haña mas voto ku Cordoba. Na di dos lugá, e deseo ku tabata reina a sali na kla, den e sentido ku hopi Soberano kier a mira e dama aki na kabes di e lista, aplikando e mesun strategia di PAR i MAN pa a gara mas voto posibel. Pero pa motibunan opvio ta masha improbabel ku Cordoba lo sede e asiento.

Pero segun nos informantenan, ta lástima ku awe por mira otro prueba di un partido sin rumbo, sin vishon. Awor ku baka a hoga na pos tin dirigentenan ta papia di bai forma hende pa bira lider polítiko.

Bron: Extra

5 Reacties op “Extra | Soberano ku vários batata kayente pa atendé awe

  1. Opdoeken die zooi !!

  2. MFK, KdNT, PS drechi pa bosnan tur.

  3. Extra: Pero segun nos informantenan, ta lástima ku awe por mira otro prueba di un partido sin rumbo, sin vishon.

    No ta nada lastima.
    wij moeten blij zijn.
    Weg met die hanel.

    Drechi pa bosonan.

  4. Deze partij is totaal ongeloofwaardig en weer afgestraft door de kiezer. Larmonie, Cordoba, Mengele Cijntje. Lucho Rosales zijn allemaal te danken aan dit!

  5. Het is een grote porkeria in deze partij. Cordoba kan als Statenlid nog 4 jaar flink zijn zakken vullen en dan is de partij ook haar laatste zetel kwijt.

    Cordoba is inderdaad volkomen onbetrouwbaar gebleken door geheel tegen zijn beloftes in toch te gaan regeren met MFK, notabene de partij achter de moord op de partijleider van PS.

    Terecht dat de kiezers de partij daarvoor hebben afgestraft.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *