WILLEMSTAD.- E isla di St. Maarten ta hasiendo preparashon pa yegada di orkan Maria kategoria 5 ku lo pasa awe banda di Islariba. Esaki a pone ku militarnan ku a kaba di hasi trabou despues di orkan Irma, mester bolbe Saba i St. Eustatius, pa nan ta kla para pa yuda despues di Maria.

Mirando ku orkan Maria ta aserkando Islariba, e barkunan di Marina Zr.Ms. Zeeland en Zr.Ms. Pelikaan a regreso Kòrsou. No solamente pa nan seguridat, pero tambe pa abastesé ku produktonan di yudansa pa regresá St. Maarten, despues ku orkan Maria pasa.

Den e preparashon pa orkan Maria, a sigui distribuí awa i otro produktonan na e abitantenan di St. Maarten.

Apesar ku haf a habri, tòg e hefe di haf a laga sera esaki ayera djaluna te ku djabièrnè 22 di sèptèmber. Igualmente esaki lo sosodé ku aeropuerto kual mitar dje edifisio ta dispone di koriente.

Entre tantu a pone puntonan di entrega di produktonan di yudansa i kuater punto di distribushon di awa ku a ser lanta dor di Rode Kruis i PAHO.

Bron: Extra