Extra | Tin diferente informashon ku e ulandesnan no tin

Minister Suzy Camelia Romer: Tin diferente informashon ku e ulandesnan no tin |  Extra

WILLEMSTAD. – ‘For di ora mi invitá e inspektornan bin wak nos sistema di aviashon sivil, mi sa ku nos ta den kategoria 2 i ku nos tin sierto defisiensianan i esei no ta un sorpresa.

Un kos ta sigur ku nos ta riba kaminda. Ta normal ku e Inspektornan ulandes a konstatá un ke otro. Pa nan e informashonnan ta mas impaktante ku pa nos di Kòrsou, pa motibu ku nos konosé e situashon kaba’, asina Minister Suzanne Camelia-Römer a duna di konosé ayera na EXTRA.

Resientemente Sra. Camelia-Römer tabata na Ulanda, kaminda ku el a plantia e idea pa hasi kos huntu.
E kombersashonnan ta andando pa Ulanda yuda ku inspektornan pa reforsá ‘Civil Aviation Authority’, pero mester kaba determiná ainda presis kon ta bai hasi esaki.

Minister Camelia-Römer a duna di konosé mas ku klaro tin kos ku Ulanda a konstatá, ku e no ta akuerdo kuné.

Por ehèmpel, Ulanda a pone ku Kòrsou no tin legislashon. Minister Camelia-Römer a bisa ku definitivamente Kòrsou tin “Luchtvaard Landsverordening”, tin “Landsbesluit” ku ta reglá pèrmitnan. Tin stapel di desishonnan ministerial ku ta trahá basá riba seguridat.

Banda di esei, Gobièrnu a kùr e “businessplan” bon te ku nan ta ehekutando nan.

Bron: Extra

Geef een reactie

Het e-mailadres wordt niet gepubliceerd. Vereiste velden zijn gemarkeerd met *