WILLEMSTAD. – Merka ta buska Felisia, Rietwijk i Koeiman pa dos transporte di droga ku nan lo mester a sòru pa yega Merka for di St. Maarten. Ta trata aki di un investigashon guiá pa outoridatnan anti narkótika merikano (DEA, kaminda ku nan ta usa táktika di opservashon, filtra, riba teritorio di Kourou. 

DEA a usa tambe infiltrantenan sivil ku tin historia kriminal pa provoká e kurasoleñonan aki pa partisipá na transportashon di droga. E kurasoleñonan mester a sòru pa un persona di kontakto pa por manda droga Merka. Na komienso di aña 2012 Rietwijk a keda aserká pa un hòmber ku su nòmber ta Antonio. Rieteijk tabata biba e tempu na Sto. Domingo. Antonio a puntra si e konosé niun hende ku por sòru pa droga yega Merka. Antonio a bisa Rietwijk ku e tin bon kontakto ku hendenan di waf na New Jersey. Felisia a keda aserka pa e mesun Antonio aki na Kòrsou, den e mesun periodo. Tantu Rietwijk komo Felsia i tur dos a nenga e oferta di Antonio.

Pero Antonio a keda persistí  i a bin ku un otro oferta, e biaha aki droga pa Puerto Rico. Den e periodo ei, Koeiman a keda aserka pa un hòmber ku tabata será huntu kuné na St. Maarten, un tal Richardson, ku tambe a puntr’e pa transportá droga. Richardson lo mester tin un primu Wilson ku ta pilot. Koeiman ta nenga. Pero Richardson ta persistí i Koeiman finalmente ta bai dil i pasa 10 kilo pa Merka i despues 60 kilo ku a baha na Miami. Esakinan ta e kosnan ku finalmente e tres kurasoleñonan a faya aden, dor di kai den trampa di DEA i awor ta pendiente nan ekstradishon pa Merka.

Bron Extra