WILLEMSTAD. – Apesar ku tabatin algun di e akusadonan ta bisa ku nan ta inosente, ayera hues a kondená tur e akusadonan na kastigu di prizòn. Ta trata di e kaso ku a haña e nòmber ‘Sofa’.
Ta trata di un grupo ku tabata okupá nan mes ku transporte di droga pa Ulanda via di kònteiner di maleta di KLM.
Despues di a tuma algun siman pa studia e kaso aki, hues a konkluí e kaso ayera ku kondenanan severo, ounke ku tin akusado ku a sali basta bon for di nan kaso.
E akusado Sildavid tabatin un demanda den su kontra di 6 aña, pero hues ta haña ku 30 luna di kua 10 luna kondishonal ta bon pa Sildavid.
E akusado Siyone Curiel tabatin un demanda di 7 aña den su kontra, ayera hues a konden’é na 5 aña.
Sharlon Curiel tambe tabatin un demanda di 7 aña, hues a konden’é na 66 luna.
Giorlandaro demandá na 5 aña i mei i hues a konden’é na 5 aña.
Fiskal a pidi un kastigu di 4 aña pa Urvin Adamus i el a sali basta bon for di su kaso, esta 24 luna di kua 12 luna kondishonal i 3 aña prueba.
Adsel Narciso a keda demandá na 5 aña prizòn i Hues a haña ku un kastigu di 3 aña prisòn.
Finalmente tin e akusadonan Robert Barbolina ku fiskal a pidi un kastigu di 5 aña i hues a konden’é na 4 aña di kua 1 aña kondishonal i 3 aña i prueba.
Bron: Extra