WILLEMSTAD.- Manera ya ta konosí, nos ta kasi drenta temporada di fin di aña di un forma ofisial.

Un di e kustumbernan di semper aki na Kòrsou ta e benta i tiramentu di vürwèrk fin di aña ku ta inisiá ofisialmente 26 di desèmber 2017.

Durante di e kontrolnan ku a tuma lugá ayera durante di dia, funshonarionan di BAB tambe tabata presente.

A informá tur e propietarionan ku a risibí bishita di e tim, ku promé ku bo risibí pèrmit pa bende vürwèrk i habri bo negoshi bo mester tin un kaha seyá di BAB.

Sin e kaha aki bo no por kuminsá bende vürwèrk.
Si deskubrí ku tòg bo a habri òf ta bendiendo sin kaha seyá di BAB, mesora lo sera e negoshi.

Bron: Extra