WILLEMSTAD.- Ayera durante di oranan di mainta outoridatnan a risibí informashon ku aparentemente lo mester tin un vehíkulo benta den laman den área di shut.
Mesora a manda kantidat di patruya na e sitio i a inisiá ku trámitenan pa asina bushinan por a baha na awa. Despues di algun ratu e bushinan a regresá i a konfirmá ku den fondo di laman nan a mira un pikòp flèt back kolo blanku.
Mesora a pidi presensia di trùk spesialisá ku a duna e bushinan un man i a saka e vehíkulo for di laman.
Informashon ku EXTRA ta dispone di dje ta indiká ku e vehíkulo aki lo mester a keda hòrtá for di un kompania di limpiesa. I despues di nan akto malechornan a benta e vehíkulo na shut. Despues ku a saka e vehíkulo a konfiská esaki pendiente mas informashon.
Bron: Extra
