WILLEMSTAD. – Djasabra atardi a sosodé un suseso tristu ora ku un hobensitu di 5 aña di edat, yu di un polis a tira su mes ku e arma reglamentario di su tata.
No tin hopi informashon ainda di e suseso aki, pero e yu a keda urgentemente operá i tur kos ta indiká ku e yu ta stabil rekuperando den sekshon di Kuido Intensivo, di e loke ku a pasa kuné. Segun informashon no ofisial ku EXTRA ta disponé di dje ta indiká ku e yu di un manera òf otro tabatin e arma den su poder i un bala a sali pasa nèt bou di su kurason i sali tras di su lomba.
E tata mes a hiba e yu poli i ku yudansa di koleganan a sòru tene tur kaya liber pa e por a pasa. Na kaminda un ambulans a topa e tata i einan, ambulans a tuma e yu over.
E suseso a tuma lugá den e bario di Fortuna Ariba. EXTRA ta pendiente relato ofisial di polis riba e suseso aki.
Bron: Extra