TC | HOMBER FUMA DAM MUIZENBERG

Karetera muhá dor di awaseru a pone ku un señora tras di stuur di un SUV a slep i bai dal den vangrail. E tabata bahando Ser’i Domi awe mainta ora ku e aksidente a sosodé. Afortunadamente e la sali ileso for di e aksidente pero tabatin hopi daño material. El a spanta hopi i paramédikonan a yega un ratu despues pa hasi un chekeo pa wak si tur kos ta bon ku n’e. Den un otro kaso, un hòmber hopi fuma a hera di resultá den dam di Muizenberg ku su pikòp. El a hala su vehíkulo pone kantu, pasando hopi serka di un palu. Ora ku porfin el a logra para, el a pega soño. Personanan ku tabata trafiká den e área a yama polis i na nan yegada nan mester a sakudí e hòmber hopi duru pa e lanta. E agentenan no por a saka afó den kua bario e ta biba paso aparentemente el a duna nan nòmber di un bario ku no ta eksistí.
Un agente mes a stuur e pikòp bai warda di polis ku n’e i e meneer aki tambe a bai warda di polis pa wak si e ta bin bij i duna nan informashon mas konkreto pa e por yega kas.

Bron: Telecuracao

Geef een reactie

Het e-mailadres wordt niet gepubliceerd. Vereiste velden zijn gemarkeerd met *