Uw ingezonden brief in de Knipselkrant Curaçao?
Stuur uw brief voor 17:00 uur naar emailadres: [email protected]
Wij publiceren uw brief zonder deze in te korten.
De redactie van de Knipselkrant Curaçao is niet verantwoordelijk voor de inhoud.
Ingezonden stukken die beledigende of discrimeneerende taal inhouden worden door ons niet gepubliceerd.

Vandaag laten we ” FELIX D. PINEDO ” aan het woord…………..

FOR DI momentu ku e minister di e tempu ei, sra. J. Scoop-Constansia, a anunsiá ku penshonadonan lo tin di bai paga 12 porshento di nan entrada pasobra nan no ta traha, mi a publiká un komunikado den kual mi a mustra ku sifras kon desastroso e 12 porshento aki lo bai ta pa penshonadonan.
Den e komunikado aki mi a mustra hasta ku esnan ku ta risibi solamente e penshun di aov tambe lo haña nan konfrontá ku e pago di e prima.
Mi sorpresa ora na momentu ku na februari 2013 a pasa e lei den parlamentu no a eksonerá penshonadonan di por ehèmpel Sehos, Aqualectra i Isla.
Mi a manda kartanan ofishal pa e minister di Kuido di Salú, Medio Ambiente i Naturalesa (GMN) i tambe pa parlamentarionan por medio di presidente di parlamentu.
E kartanan aki a ser ofishalmente registrá na e diferente sekretariadonan.
Dia 2 di mei mi a entregá un karta di obheshon konforme e lei, serka e ‘Uitvoeringsorgaan’ (SVB) den kual mi ta mustra riba e hecho ku e lei ta diskriminatorio, ta promove trato inigual i ta kita derechonan atkirí di penshonadonan di Sehos.
Deskriminatorio i trato inigual pasobra ku un penshonado di Sehos ku ta segurá serka un kompanía di seguro no tin di paga e primanan di e aseguro basiko, mientras penshonadonan ku nan gastunan médiko ta ser kubrí dor di e areglo di pago di gastunan médiko di Sehos, sí mester paga e primanan di e aseguro básiko.
Penshonadonan di Sehos a paga for di añanan 70 un suma chiki i for di 1991 1 porshento di nan salario, pa krea un fondo pa pago di nan gastunan médiko ora nan ta penshonado. Despues di baha ku penshun nan a keda paga 2 porshento di nan entrada(nan) pa ku nan gastunan médiko.
Den dos reunion ku Sehos huntu ku SVB a anunsiá na penhsonadonan ku ta posponé ehekushon di paga prima te 1 di september 2013.
Despues di september Sehos lo kubri 8 porshento di e prima di 10 porshento.
E 2 porshento ku penshonadonan lo paga ta pa kubri e gastunan èkstra den e pakete aktual di areglo di kuido médiko i malesa di penshonadonan di Sehos.
Tambe a pone na konosementu di penshonadonan ku lo retorná e prima ku a retene na fin di mei.
Loke no a sosode te awe.
Pero Sehos i e funkshonarionan di SVB a pidi tur hende bai registra na SVB.
Ami a bisa bon kla ku mi no ta bai registrá i ku mi a skibi un karta di obheshon (‘bezwaarschrift’) na SVB.
Tambe mi a menshoná ku aunke mi ta kompronde ku Sehos ke suavisá e konsekuenshanan finansiero temporalmente, Sehos mester a kana e kaminda serka minister, parlamentu i SVB pa haña eksonerashon total di lei, meskos ku ami a hasi. Huntu ku direktiva di CBV, asosashon penshonadonan Sehos i sindikatonan di Aqualectra nos a tene un reunion ku minister B. Whiteman.
Despues di a pone kada unu, riba su petishon, nos obheshonnan riba papel i manda esakinan den un karta ofishal pa e minister, nos a keda pendiente pa su kontesta despues ku e reuní ku entre otro su konseheronan.
Den e reunion siman pasá ku Penshonadonan Uní bou di ouspisièn di Abvo a tene ku minister-presidènt, minister di GMN i minister di Finansas, kaminda tambe tabata presente e sub-direktor di SVB, mi a bolbe trese mi remarkenan i petishon pa eksonerashon di penshonadonan di Sehos.
Tambe mi a bolbe hasi e petishon pa bini ku un desishon ministerial (‘ministerieel besluit’) pa ehekutá e eksonerashon mas lihe posibel.
Te awe nos ta warda riba desishonnan ku tin di ser tumá dor di esnan kompetente.
Mi sa ku penshonadonan di Sehos i otronan ta sufri bou di e situashon inhustu aki i loke mi tin di bisa ta.

‘I did my best’.

FELIX D. PINEDO

Curaçao