Uw ingezonden brief in de Knipselkrant Curacao? Stuur uw brief voor 17:00 uur naar emailadres: INGEZONDEN. Wij publiceren uw brief zonder deze in te korten. De redactie van de Knipselkrant Curacao is niet verantwoordelijk voor de inhoud. Ingezonden stukken die beledigende of discriminerende taal bevatten worden door ons niet gepubliceerd.

Vandaag laten we (naam bekend bij de redactie) aan het woord

Un biaha mas trahado nan di SSC a keda desapunta i mester a sinta mira e dia nan aki kon Margit de Freitas di Stichting Studiefinanciering Curacao ta mal informa pueblo i paralamentario nan ku informashon falsu pa e por bolbe hanja ekstra subsidio di gobiernu!

Margit de Freitas ja pa aña nan kaba ta manipulando e trahado nan den SSC i duna informashon falsu den media. Trahado nan di SSC ku tribi di habri nan boka e ta menasa nan ku kita nan for di trabou. No mas ku siman pasa atrobe un trahado mester a entama un kaso kontra di e señora aki pa e por hanja su derechi di wordu tuma bek na trabou. Maske ku den prome instante hues a dikta ku señora de Freitas mester a tuma e trahado aki bek na trabou e ta ninga di hasi esaki i bolbe bin ku prueba nan falsifika dor di sra. Witteman (HRM) i sra. Schermer-Angelo (Interne Controle). Entretantu ja pa kasi 2 aña kaba e trahado aki ta na kas.

Tambe Margit de Freitas ta hasiendo invershon nan di miones den un sistema di komputer ku mester a keda kla for di yanüari 2016 i ahinda den 2017 nan ta leu for di keda kla. Trahado nan no por hasi nan trabou na drechi i ta reklamando riba e tardansa aki pero sra. de Freitas ta sigi hasi manera e ta hanja ta bon i sigi inverti den e sistema aki ku no ta funshonando.

Ta asina ki Martgit de Freitas ta malgastando plaka di komunidat anto ta bin bisa na radio ku si gobiernu no duna mas subsidio e lo no por manda e studiante nan den region pa bai studia.

E dos miembro nan actual den hunta di komisario no ta hasiendo nada na e situashon aki paso nan ta marioneta nan ku ta wordu maneha dor di sra. Margit de Freitas.
SBTNO a jega di traha un advies aña pasa riba struktura di e hunta di komisario i a duna algun rekomendashon pero ketu bai sra. Margit de Freitas ta hasiendo manera ku SSC tin un Raad Van Toezicht. Djis tuma nota di e rekomendashon nan di e raport di SBTNO!

Trahado nan ta asina kansa ku nan a uni i aserka sindikato pa por buta un paro na e maneho desastroso ku sra. de Freitas ta hibando den SSC. Pero dor ku trahado nan ta teme pa nan trabou algun di nan no ke ni uni nan mes na sindikato.

E gobiernu anterior di PS ta na altura di e mal maneho di Margit de Freitas pero no a hasi nada ku esaki. Nos ta spera ku e gobiernu aktual i miembro nan di parlamento ku tambe ta na altura di kiko ta pasando den SSC hasi algu ku e situashon aki. Prome ku 1 di augustus proximo minister di enseñansa i hunta di komisario mester tuma un desishon si e kontrakto di sra. de Freitas ta keda alarga. Trahado nan di SSC a buta nan speransa ku lider nan politiko lo tuma e desishon korekto i buta un paro na e maneho desastroso di sra. de Freitas den SSC.

Diferente biaha nos ta hanja pregunta nan di reportero nan pa bin ku prueba. Lamentablemente e trahado nan den SSC ku ta dispone di e prueba nan aki ta wordu rekompensa fin di aña ku bonus nan ekstra pa nan sera nan boka. Tambe trahado nan tin miedu ku si nan nomber mester keda publika nan lo perde nan trabou. Pa e motibu nan aki trahado nan ta pidi nos gobernante nan pa hasi boso trabou i laga algemene rekenkamer hasi un investigashon den SSC riba e maneho di sra. de Margit de Freitas i tur kos lo sali na kla.!
No bai tras di palabra bunita di sra. Margit de Freitas ku e la laga interne accountant hasi un ivestigashon i no tin malversashon of kaso nan fraudulento ta pasando den SSC.

“Si bo puntra un ladron si e la horta esaki dimes lo bisa bu ku NO”!

Tambe algun trahado nan di SSC ta teme pa ku si SSC mester hanja enkargo di bai guia e proseso di scholing pa e trahado nan di isla ku sra. de Freitas lo bai husa e plaka aki pa hinka den studia den regio i/of kaba di finansia e sistema di komputer ku no tin fin di keda kla i ku ta kostando SSC hopi sen.

Lamentablemente tin media nan di komunikashon ku nos a jega di aserka den pasado pa publika informashon ku a hanja paga dor di sra. de Freitas pa kita e informashon for di nan wèpsait.

Paralamentario nan no laga nos voto i konfiansa ku nos a deposita den bosnan ta un voto perdi!

firma pa: Inhustishia!
Curacao