INGEZONDEN :Mankomunidat di Reino Hulandes

Lezers Schrijven

Uw ingezonden brief in de Knipselkrant Curaçao?
Stuur uw brief voor 17:00 uur naar emailadres: [email protected]

Wij publiceren uw brief zonder deze in te korten.
De redactie van de Knipselkrant Curaçao is niet verantwoordelijk voor de inhoud.
Ingezonden stukken die beledigende of discrimeneerende taal inhouden worden door ons niet gepubliceerd.

Vandaag laten we ” FELIX D. PINEDO ” aan het woord…………..

MI A tuma nota di ekpreshonnan di algun di nos parlamentarionan entorno e ultimo sugerensha di parlamentarionan Hulandes (Andre Bosman i Ronald van Raak) entorno nos futuro situashon estatal.

Nan a sugeri pa nos kuminsa pensa riba un estado a base di un mankomunidat (‘gemenebest’) di Reino Hulandes estilo di esun di Inglatera.
Un idea ku no ta nada nobo ya ku algun aña pasá eks-minister Ernst Hirsch Ballin a bin ku un konstrukshon den e forma aki durante reunionnan ku e islanan di Antiyas Hulandes.
Parlamentario Alex Rosaria (País) ta duna di konosé ku e asuntu aki no tin nan prioridat. Parlamentario Elmer Wilsoe (Pueblo Soberano) ta menshoná pa tira e nota aki den ko’i sushi.

A dura un kantidat di aña pa nos a yega na e situashon aktual di un país outónomo den Reino. Despues ku Aruba a bandoná Antiyas di 6 diskushonnan riba struktura estatal entre e sobrá sinku islanan no a mengua.
For di aña 2000 por ehempel St. Maarten a menshoná di tambe ke un statús outónomo manera Aruba.
Pueblo di Kòrsou a vota pa un status outónomo den e referendum di 8 di aprel 2005.
Pueblo a skohe durante un referendum di 15 di mei 2009 pro e deklarashon final (‘Slotverklaring’) di 2006.
Prome ku nos a yega na un statús outónomo di Kòrsou i St. Maarten na 2010 tabatin un kantidat di reunion entre islanan i islanan ku Hulanda.
For di un prinsipio a tuma e posishon ku for di 1 di juli 2007 e status outónomo lo a drenta na vigor.
Despues di esaki a bai pa 2008 ku tampoko tabata faktibel.
Por fin den purá a logra na oktober 2010.
Despues di 10-10-‘10 aunke a tuma tantu tempu, a keda hopi puntonan ku te awe ta den diskushon òf ku no a tene kuenta kune.
Lokual ku mi ke yega na dje ta ku mi ta haña ku e dos parlamentarionan di Kòrsou i otronan huntu ku nan muchu lihe a sali ku un posishon kontra di loke e dos parlamentarionan Hulandes a trese dilanti.
Mi ta kere ku nos mester a kuminsa analisá kaba e sigiente pasonan ku lo tin di sigui despues di e fase di un país outónomo.
Ta bon pa nos analisá por ehempel e sistema Ingles (British Commonwhealth) pa wak kon esaki ta funkshoná i si por adaptá esaki di un manera ku den futuro nos por biba kune.
Mi no a spera ku hustamente dos parlamentario di e partidonan ku konstantemente tabata boga pa nos país yega na un status (mas) independiente for di Hulanda, lo a sali kontra di e nota di e dos parlamentarionan Hulandes.
Un ke otro teniendo kuenta ku pronto lo bai tuma luga e konferensha pa sigui papia riba futuro estatal den Reino.
Mester tene kuenta ku Hulanda por bini mesa ku un proposishon manera e dos parlamentarionan Hulandes a presentá.
Nos mester kuminsa for di awor (miho bisá nos mester a kuminsa kaba) pensa kon nos por saka lo mas miho for di e diskushonnan aki.
Siña for di tur lokual a hasi robes den pasado pa nos no haña nos atrobe ta tuma desishonnan den purá ku e konsekuenshanan ku ya mi a menshoná.
Mi no a tende otro parlamentarionan su komentario.

FELIX D. PINEDO

Curaçao

Geef een reactie

Het e-mailadres wordt niet gepubliceerd. Vereiste velden zijn gemarkeerd met *