Uw ingezonden brief in de Knipselkrant Curaçao?
Stuur uw brief voor 17:00 uur naar emailadres: INGEZONDEN
Wij publiceren uw brief zonder deze in te korten.
De redactie van de Knipselkrant Curaçao is niet verantwoordelijk voor de inhoud.
Ingezonden stukken die beledigende of discriminerende taal inhouden worden door ons niet gepubliceerd.
Vandaag laten we ” John H Baselmans-Oracle ” aan het woord…………..
Advertentie
Ku hopi beheit i despues di a warda tantu porfin Barber a haña un pida chikí di lokual e polítika a primintí; Un hal di deporte habrí.
Nos polítika tabata opviamente presente dia ku e hal a ser entregá i hasta nos a haña un patrón esta señor Asjes, kende a primintí di hasi de todo pa sostené deporte na Barber.
Mas o menos 6 luna pasá nos a haña e posibilidat pa trese Korsow materialnan di deporte, entre 20 – 40 kuup, pa un suma simbóliko (un Euro). Esaki pa e klub deportivo aki na Bandabou. E empresa ta eksihí solamente ku e materialnan lo no wòrdu bendí i pa esei nos mester para garante. Nos a haña potrèt di tur e materialnan kual nan ta dispuesto pa entregá na un kompanía di kònteiner situá na Hulanda. Tur esaki gratis.
Nos a bai hasi nos trabou i a haña rebaho na un empresa di transporte lokal.
Pero nos obstákulo di mas grandi ta parse e duana kende lo duna e artíkulonan aki un preis aunke ku nan ta di segunda mano i destiná pa nos muchanan. Nos lo mester bai paga derecho di duana riba artíkulonan usá kaba. E asosiashon mes tambe a bai pidi ayudo i pa lunas nan a ser tení na liña.
E polítika a keda den silensio i nos patrón señor Asjes tampoko no ta duna kuenta. Ta ken e angel aki ta protehá Kristu lo sa en todo kaso no ta nos klubnan deportivo di Bandabao.
E empresa na Hulanda a duna nos un delaster término i despues di esaki nos ta pèrde e oportunidat pa haña e artíkulonan gratis. Por eh mplo mat, springbòk, kabuya pa hasi diferente deporte, etc etc. Despues di e término aki nan lo manda esakinan pa Bloke Oriental. Aya, nan si lo risibí esaki ku brasa habrí.
Nos ta haña bon material por nada, transporte por keda reglá i awor ta gobiernu den forma di duana i nos patrón ta laga nos na kaya.
Ta di bèrdat nos kier hasi algu pa nos muchanan of tur esaki ta solamente wega polítika i ta webo di gai?
John H Baselmans-Oracle
Advertentie