Uw ingezonden brief in de Knipselkrant Curaçao?
Stuur uw brief voor 17:00 uur naar emailadres: [email protected]
Wij publiceren uw brief zonder deze in te korten.
De redactie van de Knipselkrant Curaçao is niet verantwoordelijk voor de inhoud.
Ingezonden stukken die beledigende of discrimeneerende taal inhouden worden door ons niet gepubliceerd.
Vandaag laten we ” IDO STEEN ” aan het woord…………..
25 DI yüli, Kòrsou a rekordá Dia di Penshonado.
Mi ta bisa rekordá pasobra kasi no por papia di selebrá.
Den un korant lokal mi a konta solamente 7 anunsio pa gradisí e penshonado riba su dia.
Remarkabel ku ningun di nan ta di gobièrnu o instansia di gobièrnu ni, skucha bon, di e bond(nan) di penshonado mes!
Bo por imaginabo ku riba henter Kòrsou 7 instantia so a kòrda riba e pobersito penshonado?
Korant Amigoe ta pone riba su página frontal un portrèt di un evenementu na un hòfi konosí ku ta papia di rèspèt pa e penshonado.
Wel aki, ami kier a para ketu basta ratu.
Rèspèt pa e penshonado mester bini di su propio gobièrnu.
Mas ku dos tersera parti di penshonado na Kòrsou ta bini hustamente di e sektor aki.
Sobrá ta un meskla di sektor privá i obreronan ku no ta afiliá na ningun trabou figo.
Loke pasa den bo komunidat ta un refleho di bo komunidat mes.
Pues aki bo ta mira ku gobièrnu no tin interes mes di felisitá su èks empleado i su famia ku a sòru di karga e komunidat pa bastante aña.
Es mas, e rèspèt no tei at all!
Komo regalo, minister Jardim ta anunsia otro oumento riba tur esnan ku tei kaba ku ta pisa un tiki mas riba skouder di komunidat, pues riba e penshonado tambe.
Esei ta gobièrnu su regalo.
Esei ta reflehá respèt pa e penshonado?
Anto pa kolmo gobièrnu no ta splika kon el a yega e biaha aki atrobe na un oumento, por ehèmpel di awa i koriente, siendo ku gasolin i disel ta baha meramente.
Propaangas, gas pa kushiná entre otro, masha luna a keda pará mésun kaminda.
Si prijs di kombustibel internationalmente a baha, anto tur kos relashoná ku e kombustibel aki tambe mester baha.
Gobièrnu stòp di habusá di bo pueblo.
Nos niun no por sigui karga e peso aki.
Oposishon, kiko ta pasando?
Ta na soño boso ta?
Ami no ta sinti ku tin un gobièrnu demokrátiko manera mester ta.
Fundashon pa Konsumido, ata trabou pa boso hasi, anto na serio.
Kòrda ku tur oumento ta krea un efekto di domino den tur sektor.
Si, mi tambe ta penshonado awor i mi ta sinti ku ningun hende tin oido pami.
Ni gobièrnu, ni sindikato, ningun instansia.
Hasta mi ta mira serka otro penshonado ku no tin rèspèt pa nan ni den nan mes famia.
Tristu e kos aki ta.
Nos komunidat mester reakshoná lihé riba e asuntu aki, mirando ku nos pueblo ta birando bieu.
IDO STEEN
Curaçao