INVESTIGASHON STATUS NORBERT GEORGE A DRENTA FASE FINAL

INVESTIGASHON STATUS NORBERT GEORGE A DRENTA FASE FINAL | Foto |  Extra

INVESTIGASHON STATUS NORBERT GEORGE A DRENTA FASE FINAL | Foto | Extra

WILLEMSTAD – Norbert George tin mas ku dos aña sinta na kas ta kobra mensualmente su salario di gerente di implementashon na Ministerio di Asuntunan Sosial, Labor i Bienestar.

Tin indikashon ku pronto lo haña mihó bista den su situashon ya ku gobièrnu a laga investigá su kaso.

Minister mr. Ruthmilda Larmonie-Cecilia a konfirmá e investigashon indikando alabes ku no ta bai diskutí asuntu di relashon entre dunadó di trabou i trahadó den prensa.

Norbert George, eksmiembro dje penúltimo konseho insular di Kòrsou a keda nombra na 2010 komo parti di tòp dje ministerio di SOAW ku Hensley Koeiman na timon komo minister. E relashon entre minister i tòp di e ministerio tabata ekselente ku eksepshon di Norbert George ku no por a keda ku e tarea di hinka un departamentu di Rekursonan Humano na ministerio di SOAW.

Dado momento a bin determiná ku no tin ko’i hasi pa Norbert George i e eks-konsehal a bai sinta na kas. Gabinete Schotte a kai i Gabinete Betrian no tabatin tempu pa atendé ku kasonan individual manera esun di Norbert George sinta na kas ta kobra salario di 18.500 florin pa luna.

Gabinete Hodge òf mihó dicho minister Josepha no tabatin atenshon pa kaso dje mènedjer di implementashon i mas bien a buska gera ku tòp dje ministerio i dado momento a manda nan tambe kas.

Gabinete Asjes a sinta i minister Francisca no a duna prioridat n’e kaso di Norbert George i mas bien a trata di wanta ku ehekushon di verediktonan ku e funshonarionan di Tòp di SOAW a logra den korte.

Den e periodonan aki tabatin algun publikashon masha kritiko i/o insinuante den direkshon di gerensia di Banko Sentral di Kòrsou i St. Maarten ku atakenan baho direktamente kontra dr. Emsley Tromp.

A bin establesé ku ta Norbert George ta outor dje artíkulonan i e ora ei numa a bin tuma nota ku e tin kasi tres aña na kas ta kobra e salario reimu. Tabata finalmente minister mr. Ruthmilda Larmonie- Cecilia ku a duna atenshon na e kaso insolito aki.

Bron: Extra

Geef een reactie

Het e-mailadres wordt niet gepubliceerd. Vereiste velden zijn gemarkeerd met *