TC | KAS NA KANDELA FORTUNA ARIBA

Den un otro kaso lamentabel, un hòmber a pèrdè tur su pertenensia awe tardi ora ku un kandela feros a destruí e parti paden di su kas, situá na Fortuna Ariba. Bisiñanan ta bisa ku e meneer di 79 aña a kaba di sali su kas i mei ora despues nan a kuminsá sinti holó di kandela i por a skucha tambe ku algu ta kimando. Nan a kore kue slang pa purba paga e kandela pero nan no por a hasi nada, mirando ku e kandela tabata paden. Pa ora ku brantwer a yega, ya tabata muchu lat i tur kos den e kas a keda destruí. E struktura di e kas mes a scheur i e dak a kai. Un situashon hopi fèrfelu mirando e edat di e habitante i echo ku el a pèrdè tur kos.

Bron: Telecuracao

Geef een reactie

Het e-mailadres wordt niet gepubliceerd. Vereiste velden zijn gemarkeerd met *