Presentadó dje popular programa Moru Bondia. Aileen a bai sosegá djasabra siman pasa i awe famia, amigu i koleganan a hiba e ilustre periodista aki su último lugá di sosiegu den santana na Janwe. E eventonan rònt di e despedida a kuminsá for di mainta ora famia i koleganan a buska Aileen na El Tributo. Despues a sigui ku un seremonia dilanti di studionan di TeleCuraçao, miéntras ku a pasa kas tambe ku e korteho fúnebre. Na Misa di Janwe tur hende por a tuma despedida di Aileen Looman i skucha diskurso di famia i direktornan di TeleCuraçao i Z86. Despues di un seremonia ouspisiá pa pastor Gregg, a hiba Aileen Looman su último lugá di sosiegu den santana di Janwe. Lo siguiente ta un resúmen di e despedida di nos kolega stima. Di parti di gerensia, staf i personal di TeleCuraçao un danki hopi spesial ta bai na tur siudadano i instansha ku a kombibí ku famia, amigu i koleganan di Aileen den e dianan difísil despues di su fayesimentu. Di kurason: hopi hopi danki. Forsa na Aileen su mama Didi, su yu Jessica i su rumannan Henky, Liesje i Stanley. Sosegá na pas Aileen!
Bron: TeleCuraçao Multimeda