Mandatario ta abusá di konfiansa ku pueblo a duna nan

FOR DI dia ku e gabinete di Schotte a tuma gobernashon di Korsou over, e pueblo aki tur dia tin ku eksperensia aktitutnan ku nan ta yama out of the box thinking. E pueblo aki mester a eksperensia di tin un Konseho di Minister ku tin masha minister ku no por a pasa screening. Pueblo tin ku eksperensia ku parlamentarionan su manera di papia i traha ku otro a pasa tur límite di desensia. Gabinete Schotte ta un duiventil, kaminda kasi tur kuater luna tin kambio di un of otro minister, den 20 luna Konseho di Minister a kambia kuater minister. Ministernan a biaha den un aña mas dia ku nan a traha den un aña i asina mi por sigui. Den parlamentu funshonamentu di e parlamentario ta laga hopi di deseá i kada bes presidente di parlamentu mester saka parlamentario i minister for di parlamentu. Parlamentarionan individual den parlamentu ta defendé nan partido òf nan minister na lugá di defendé pueblo su interesnan. Kehonan duna pa pueblo ta wòrdu konsiderá komo redu, i kehonan di pueblo ta wòrdu pone un banda. Awor pueblo ta wòrdu konfrontá ku otro fenómeno, kaminda gabinete Schotte ku ta pèrdè mayoria den parlamentu, i na lugá di minister-presidente bai gobernador e ta laga e situashon den man di parlamentu i pais tin tres dia sin un parlamentu ku un mayoria ta sostené e gobièrnu. Un otro novedat den gobernashon ta kaminda un parlamentario ta bin diskutí públiko ku su partido kiko ta su problemanan ku e gobernashon, i e pueblo ku no tin arte ni parti den e diskushon tin ku bai warda reunion den e partido kaminda e gobièrnu no ta legal . Otro punto kaminda e parlamentario kier un zakenkabinet ku ta un kos ku no ta un partido so ta disidí esaki, pero ta algu ku den negosashon partidonan por yega na dje. E loke ta pasa aki den gobernashon ta un novem atrobe di e aktual gobièrnu. Remarke: Mi ta di opinion si Sr. Dean tuma un posishon i manda un karta pa partido i laga espasio pa negosiá, e ta hasi su posishon hopi suak bou di situashon aktual. Mi ta di opinion ku gobernador mester laga tende di dje promé ku ta lat.

EDGAR LEITO
Curaçao

Geef een reactie

Het e-mailadres wordt niet gepubliceerd. Vereiste velden zijn gemarkeerd met *